१० वर्ष पहिला भेटिएको ‘हराएको १० गांउमा’ रोगको महामारी



नेपालगन्ज, ५ जेठ ।
एबिसी न्युजले पत्ता लगाएको बांकेको हराएको दश गांउमा यतिबेला महामारी फैलिएको छ । नक्सा भित्र रहेर पनि आफ्नो नागरिक नचिनेको सरकारलाई एबिसी न्युजबाट हराएको दश गांउ पत्ता लगाई सार्वजानीक गरेपछि सरकार केहि समय गांउमा अपनत्व दिन तातेको पनि थियो । तर समय बित्दै गएपछि राज्य फेरी गांउ प्रति बेवास्ता गर्दै गयो । परिणाम यतिबेला सिङ्गो दश गांउमा रोगको माहामारी फैलिएको छ ।
बांकेको राप्तीसोनारी गाउंपालिकाको ४ नम्बर वडामा पर्ने खयरभट्टी, चुनभट्टी, महेशपुर, सन्तलिया लगायतका त्यहांका आधा दर्जन गाउंमा झाडा पखाला र कमलपित्तको प्रकोप फैलिएको छ । गाउंबाट सदरमुकाम नेपालगन्ज पुग्न हिडेर र गाडिमा गरेर ७ घण्टाभन्दा बढी समय लाग्छ । राज्यको नजर नपुगेको यी गाउंमा अहिले विभिन्न रोगहरु एकैसाथ फैलिएको छ । यी गाउंहरुमा झाडापखाला, जण्डिस शरिर चिलाउने लगायतका रोगहरु एकैपटक फैलिएका छन् ।
खयरभट्टी, चुनभट्टी, महेशपुर लगायत गाउहंरुमा केही हप्तायता विभिन्न किसिमका रोगहरु फैलिएका छन् । रोगहरु फैलिएसंगै गाउंमा स्वास्थ्यकर्मीहरु नहुंदा रोग नियन्त्रणमा आउनुको साटो फैलिदै जान थालेको छ । शुक्रबार गाउंमा पुगेकी सोही क्षेत्रबाट निर्वाचित प्रदेशसभा सदस्य कृष्णा केसी ‘नमुना’लाई स्थानीयबासीले गाउंमा झाडापखाला, जण्डिस लगायतका रोग लागेका बिरामीहरु धेरै भएको बताए । उनीहरुले सरकारको नजरमा आफुहरु पुग्न नसकेको भन्दै सांसद समक्ष छिटो भन्दा छिटो गाउंमा स्वास्थ्यकर्मी र औषधी पठाइदिन आग्रह गरे । स्थानीय रमेश श्रीसले केही हप्तायता गाउंमा बिभिन्न खाले रोगहरु फैलिएको बताए । अहिले खयरभट्टी, चुनभट्टी, महेशपुर लगायतका गाउंमा सबैभन्दा बढी बिरामी जण्डिसका रहेको उनले जानकारी दिए । झाडापखाला, आउं, शरिर चिलाउने रोगहरु देखिएपनी अहिले सबैभन्दा धेरै बिरामी जण्डिसका रहेको भन्दै स्थानीय श्रीसले छिटो भन्दा छिटो डाक्टर र औषधी पठाइदिन आग्रह गरे ।
राज्यले पअनत्व लिएको ९ वर्ष बढी भई सक्दा पनि गाउंहरुमा पुग्न भारतको बाटो हुंदै जानुपर्छ । यहांका सबै नागरिकहरु दैनिक उपभोग्य साम्रगीदेखि उपचारसम्म भारतीय बजारमा निर्भर
हुनुपर्छ । बिरामी पछि केही मानिसहरुलाई भारतीय बजारमा लगेर उपचार गरेपनी निको नभएको स्थानीयबासीहरु बताउछन् । यहां रहेका आधा दर्जन गाउंमा सिटामोल दिने कोही स्वास्थ्यकर्मी समेत छैनन् । उपचार अभावमा केही बिरामीको अवस्था गम्भिर भन्दै जान थालेको अर्का स्थानीय अम्मर बहादुर घर्तीले जानकारी दिए । उपचारको अभावमा गाउंमा रोग फैलने क्रम बढिरहेको उनले बताए । घर्तीका अनुसार गाउंमा खानपानीको मुहान फोहोर हुंदा विभिन्न रोगहरु एकैसाथ फैलिएको हो । पानीको मुहान व्यवस्थित नहुंदा पातहरु कुहिएको पानी पिउन स्थानीयहरु बाध्य छन् ।

सडक सञ्चार लगायतका सुविधा नपुगेको यो गाउंमा पुग्न भारतीय गाउंसम्म सवारी साधनमा पुगेर त्यहांबाट दुई घण्टा हिडेर मात्र पुग्छ सकिन्छ । बिरामीहरुलाई अस्पतालसम्म पु¥याउन समेत सास्ती छ । प्रदेश सांसद कृष्णा केसी ‘नमुना’ले रोग प्रभावित गाउंमा एक दुई दिनमा नै स्वास्थ्यकर्मीहरु संगै औषधी पु¥याउने तयारी थालिएको जानकारी दिइन् । गाउंमा पुग्दा मात्र रोगबारे आफुले थाहा पाएको बताउदै उनले विशेषज्ञ डाक्टरसहित फेरी गाउंमा पुग्ने तयारी गरिरहेको बताइन् । सुगम जिल्लाको लिस्टमा नाम आउने बांकेको अती विकट क्षेत्रमा समेत राज्यको ध्यान पुग्नुपर्छ । यहां फैलिएका विभिन्न रोगहरुलाई समयमै नियन्त्रणमा लिनको लागी सम्बन्धित निकायले चांडोभन्दा चांडो ध्यान दिन जरुरी छ ।

    Comment Here!


सम्बन्धित समाचार

View All