काठमाडौं,२२ वैशाख । आज राजनीतिशास्त्री कार्ल माक्र्सको २ सय १ औं जन्मजयन्ती मनाइँदैछ ।
उहाँको जन्म सन् १८१८ को मे ५ मा पर्सियामा भएको थियो ।

कार्ल माक्र्सलाई आधुनिक विश्वका सबैभन्दा प्रभावशाली राजनितिक दार्शनिक मानिन्छ । सन् १८४५ मा २९ वर्षको उमेरमै माक्र्सले फ्रेडेरिक एङ्गेल्ससंग मिलेर कम्युनिष्ट पार्टीको घोषणापत्र लेख्नुभएको थियो । यो घोषणापत्र संसारमा सबैभन्दा बढी पढिएको र प्रयोगमा ल्याइएको दस्तावेज मानिन्छ ।

घोषणापत्रले पुँजीवादी विश्व समाज कसरी परिवर्तन हुन्छ र शोषणरहित र पूर्ण रूपमा मुक्त समाजको निर्माण कसरी सम्भव छ भन्ने व्याख्या गरेको छ । झण्डै १ सय ७० वर्षपछि पनि समाज परिवर्तनको स्वरूप विश्लेषण गर्न यो दस्तावेज सफल छ भनेर कम्युनिष्ट पार्टीहरुले दाबी गर्ने गरेका छन् ।

पछिल्ला दिनमा विश्वमा देखिएका पुँजीवादी स्वरूपहरू र वर्ग विभाजनको अवस्थालाई हेर्दा माक्र्सको घोषणापत्र झनै आवश्यक र व्यावहारिक रहेको माक्र्सका अनुयायीहरुको दावी छ । तर पछिल्लो समय कार्लमाक्र्सको नाम मात्र लिने तर उनले देखाएको बाटोमा नलाग्ने गरेको भन्दै आलोचना पनि हुने गरेको छ । नेपालमा पनि कम्युनिष्ट पार्टीहरुले आज माक्र्सको जन्मजयन्ती मनाउँदैछन् ।