काठमाडौं,१६ बैशाख । हुम्लाको दक्षिण क्षेत्रमा रहेको ताँजाकोट गाउँपालिकामा अज्ञात रोगका कारण मृत्यु हुनेको संख्या १० पुगेको छ ।

रोगका कारण २ सय भन्दा बढी विरामी परेका छन् । हुम्लाको दक्षिण क्षेत्रमा रहेको ताँजाकोट गाउँपालिकामा अज्ञात रोगका कारण आज थप १ जनाको मृत्यु भएको छ । यो सहित ताजाकोटमा मृत्यु हुनेको संख्या १० पुगेको हो ।

मृत्यु हुनेमा ताजाकोट गाउँपालिका वडा नम्बर ५ भदौरा गाउँका का ६२ बर्से पबित्रा बोहोरा रहेका छन् । चैत्र अन्तिम सातादेखि गाउँमा रोग फैलिएको थियो । ताजाकोटको वडा नम्बर १, २ र ८ का बासिन्दा बढी प्रभावित भएका छन् ।

गाउँपालिकाका अध्यक्ष बागदल मल्लले चैत २६ गतेदेखि गाएँमा अज्ञात रोग फैलिएको बताउनुभयो । उहाका अनुसार बिरामीमा ज्वरो आउने, छाती दुख्ने, खोकी लाग्ने र सास फेर्न गाह्रो हुने समस्या देखिएको छ । गाउपालिकामा रहेको स्वास्थ्य चौकीमा औषधिसमेत सकिएकाले उपचारमा समस्या भएको छ ।

गाउँपालिकाले औषधि र स्वास्थ्यकर्मीको कमी हुन नदिन तथा रोग पहिचान गरी नियन्त्रण गर्न प्रदेश सरकारलाई आग्रह गरेको छ । हुम्लाको सदरमुकामबाट ताजाकोट पुग्न चार दिन लाग्छ ।