काठमाण्डौं , २५ असोज । स्पेनको उत्तर पूर्वी राज्य क्याटालोनियालाई तत्काल स्वतन्त्र घोषणा नगरिने भएको छ ।
क्याटालोनियाको स्थानीय संसदलाई संबोधन गर्दै क्याटालोनियाका नेता कार्लस पुजिमोन्टले स्वतन्त्र क्याटालोनियाको पक्षमा प्राप्त जनमतको पालना गर्ने तर पहिले केन्द्र सरकारसंग समस्या समाधानका लागि वार्ता गर्ने बताए । यद्यपी क्याटालोनियाको स्वतन्त्रताको घोषणापत्रमा भने नेताहरुले हस्ताक्षर गरेका छन् । संसदमा सम्बोधन अघि क्याटालोनियका नेता पुजिमोन्टले क्याटालोनियालाई स्वतन्त्रता राज्य घोषणा गर्ने अपेक्षामा थिए । नेता पुजिमोन्टले शान्तीपूर्ण प्रदर्शन कायम राख्न आग्रह गरेका छन् । गएको अक्टोबर १ मा भएको जनमत संग्रहमा बहुमत नागरिकले स्पेनबाट क्याटालोनियाको स्वतन्त्रताको पक्षमा मतदान गरेका थिए ।
प्रतिक्रिया दिनुहोस्