आठौँ राष्ट्रिय खेलकूद : टेबलटेनिस खेल सकियो



घोराही, ३० चैत । दाङमा जारी आठौँ राष्ट्रिय खेलकूद प्रतियोगिताअन्तर्गत ४०औँ टेबलटेनिस प्रतियोगिताका आज सम्पन्न दुई खेलमा दुवै खेलमा नेपाल पुलिस क्लबले स्वर्ण र दुई रजत पदक जितेको छ भने एपिएफले दुई कास्य र त्रिभुवन आर्मी क्लबले दुई–दुई कास्य पदकमा चित्त बुझाएका छन् ।

आज भएको पुरुष एकल प्रतियोगितामा नेपाल प्रहरीका श्यान्टु श्रेष्ठले स्वर्ण, प्रहरीकै प्रदीप रोकाले रजत र सशस्त्रको एपिएफका डिलस श्रेष्ठ र शिव सुन्दर गोचेले कास्य पदक हात पारेका छन् ।

आजै भएको अन्तिम महिला एकलमा नेपाल प्रहरीकी बबिता श्रेष्ठले स्वर्ण, प्रहरीकै एलिना महर्जनले रजत र त्रिभुवन आर्मी क्लबका रविना महर्जन र दीक्षा तामाङले कास्य पदक हात पारेका छन् ।

शुक्रबार भएको पाँच खेलमा नेपाल प्रहरीले चार स्वर्ण र एउटा रजत पदक जितेको थियो । यस्तै सशस्त्र प्रहरीको एपिएफ क्लबले एउटा स्वर्ण, दुई रजत तथा दुई कास्य पदक हात पारेको थियो भने नेपाली सेनाको त्रिभुवन आर्मी क्लबले दुई रजत तथा दुई कास्य जितेको थियो ।

यसअघि बिहीबार सम्पन्न खेलमा प्रहरीले तीन तथा एपिएफ क्लबले एउटा स्वर्ण पदक जितेको थियो । बिहीबार महिला समूहगत स्पर्धामा पुलिस क्लब र एपिएफ क्लबले स्वर्ण पदक जितेको थियो । गत चैत २७ गते देखि शुरु भएको टेबल टेनिस खेल आज सकिएको छ । यस पटकको राष्ट्रिय टेबल टेनिस प्रतियोगितामा विभिन्न प्रकारका सातवटा प्रतियोगिता गरिएको थियो ।

    Comment Here!


सम्बन्धित समाचार

View All