तेस्रो पाँचथर गोल्डकप आजबाट सुरु




पाँचथर,२४ चैत । पाँचथर जिल्लाको सदरमुकाम फिदिममा तेस्रो पाँचथर गोल्ड कप आजबाट सुरु भएको छ । बिहान भएको खेलमा मिसन युनाइटेड ताप्लेजुङलाई एक गोलका बिरुद्र छ गोल अन्तरले हराउदै डि.एफ.सी. मोरङले जितेको छ । मोरङका अर्मान भिडमले चार गोल लगाएका थिए ।

भने सोहि टिमका हेमन्त थापा र संजोग राईले एक एक गोल लगाएका थिए । ताप्लेजुङका सन्तोस लिम्बुले एक गोल फर्काउन सफल भए । प्लेण्टीको मौका पाएर मोरङले दुई गोल गर्ने मौका पाए ।

खेलको १०, १६ र २२ औ मिनेटमा मोरङका अर्मानले लगातार गोल गरेका थिए । ३९ औ मिनेटमा मोरङकै हेमन्त थापाले एकगोल गरेर टिमलाई थप अग्रता दिलाए । अर्मानले पुन ५३ औ मिनेटमा थप एक गोल लगाउन सफल भए । लगत्तै ताप्लेजुङका सन्तोस लिम्बुले ६१औ मिनेटमा एक गोल फर्काएका थिए । त्यसपछि पुन मोरङका संजोग राईले एक गोल गर्न सफल बने ।

पाँचथर गोल्ड कपमा हिमालय शेर्पा क्लब काठमाण्डौ, जावलाखेल युथ क्लब काठमाण्डौ र दार्जिलीङ युनाइटेड भारत लगायत ए डिभिजनका सहितको १० टिमको सहभागिता हुने भएको छ ।

गोल्ड कप बिजेतालाई ४ लाख र उपबिजेतालाई २ लाख राशिको पुरस्कार रहेको आयोजक पाँचथर क्लबले जनाएको छ । चैत्र २३ गतेबाट सुरुहुने भनिए पनि बर्षाका कारण आजबाट संचालन भएको हो ।

    Comment Here!


सम्बन्धित समाचार

View All