काठमाडौं,२९ पुस । अवैध रुपमा उत्पादन भइरहेको ठुलो परिमाणको घरेलु मदिरा प्रहरीले  नष्ट गरेको छ ।
शुक्रवार महानगरीय प्रहरी वृत महाराजगञ्ज प्र.ना.उ. फणिन्द्र प्रसाईको कमाण्डमा रहेको टोली र महानगरीय प्रहरी प्रभाग टोखाबाट प्र.ना.नि.सन्जिव नापितको संयुक्त टोलीले अबैध मदिरा नष्ट गरेको हो ।
टोखा नगरपालिका ३ फाँट बस्तीमा रहेको बंगुर फाराम नजिकै बनाउदै गरेको ७५० लिटर, र कच्चा पदार्थ सहित ४००० लिटर बरामद गरी प्रहरीले नष्ट गरेको छ ।

मदिराले समाजमा विकृृति बढेको हुदा अवैध घरेलु मदिरा उत्पादन नियन्त्रण सम्बन्धि स्विप अप्रेशनलाई थप प्रभावकारी बनाईने प्रहरी नायव उपरिक्षक प्रसाईले बताए ।

वडा कार्यालयका प्रतिनिधीहरु समेतको रोहबरमा उक्त स्थानको खानतलासी गर्दा डाध्यक्ष सिंहराज श्रेष्ठ र सदष्य हरिमान श्रेष्ठ लगायत स्थानिय सर्बसाधारण समेतको रोहबरमा नष्ट गरिएको प्रहरी नायव उपरिक्षक प्रसाईले बताए ।

यस मौषममा घरेलु मदिरा अत्यधिक सेबनको कारण मृत्यु समेत हुने गरेको कारणले गर्दा प्रहरीले यस्ता खाले अबैध घरेलु मदिरा उत्पादन गर्ने स्थानहरुमा खानतलासी गरी मदिरा नस्ट गर्ने अभियान नै संचालन गरिएको प्रहरी नायव उपरिक्षक प्रसाई जानकारी दिए।