काठमाडौं,११ माघ । इरान एसियन कपको सेमिफाइनलमा प्रवेश गरेको छ । चीनलाई ३–० ले हराउँदै इरान अन्तिम चारमा पुग्न सफल भयो । सेमिफाइनलमा इरानको भेट जापानसंग हुनेछ ।
यूएईको आबुधावीमा रहेको मोहम्मद विन जायद स्टेडियममा भएको खेलमा इरानको जितमा मेहदी तारेमी, सरदार अज्मउन र करिम अन्सारिफार्दले एक एक गोल गरे ।
तारेमीले १८औं मिनेटमा गोल गर्दै इरानलाई अग्रता दिलाएका थिए । ३१ औं मिनेटमा अज्मउनले गोल गरेपछि इरानले पहिलो हाफमा दुई गोलको अग्रता लिएको थियो । दोस्रो हाफको इन्ज्युरी समयमा अन्सारिफार्दले गोल गरेपछि इरान सहजरुपमा सेमिफाइनलमा पुगेको हो ।
यसअघि भियतनामलाई १-० ले हराउँदै जापान सेमिफाइनलमा पुगिसकेको छ । त्यस्तै जापानले भियतनामलाई १-० गोल अन्तरले पराजित गर्दै अन्तिम चारमा स्थान सुरक्षित ग¥यो
प्रतिक्रिया दिनुहोस्