काठमाडौँ, ९ पुस । कालीकोटको पलाता गाउँपालिका– १ खाडा गाउँको न्यौपानेबस्तीमा आइतबार मध्यराति आगलागी हुँदा ४२ घर पूर्णरुपमा जलेका छन् । करिब ६५ घरमा क्षति पुगेको छ । अहिले आगो नियन्त्रणमा आएको गाउँपालिकाका अध्यक्ष लक्ष्मणबहादुर बमले बताए । उनका अनुसार खरले छाएका र जोडिएका घर भएकाले ठूलो क्षति भएको हो । गाउँपालिकाका उपाध्यक्ष दाना न्यौपानेको घर पनि जलेको उनले बताए ।
आगलागीबाट मानविय क्षति भने भएको छैन । पुशचौपायाँ मरेको बताइएको छ । आगलागी भएको स्थान जिल्ला सदरमुकाम मान्माबाट ३२ कोष र गाउँपालिकाको केन्द्रबाट चार घण्टाको दूरीमा पर्दछ ।
प्रतिक्रिया दिनुहोस्