मेलम्ची, २२ मङ्सिर । सिन्धुपाल्चोककोे मेलम्ची नगरपालिकाले नगरवासीलाई प्रत्यक्ष लाभ पुग्ने गरी एकीकृत सेवा केन्द्र विस्तार गरेको छ ।
मेलम्ची नगरपालिका– ५ का स्थानीयवासीलाई पायकपर्ने गरी वडा नं ४ थकनीको पिप्लेमा नगरपालिकाले केन्द्र स्थापना गरेको हो । एउटै छानामुनी बर्थिङ सेन्टर सहितको स्वास्थ्य, आयुर्वेदिक, पशु र कृषि सेवालाई समावेश गरिएको छ ।
केन्द्र स्थापनासँगै घरआँगनमै सेवा पाउँदा स्थानीयवासी खुशी भएका छन् । आगामी दिनमा नगरपालिकाका विभिन्न स्थानमा अन्य सेवाको समेत विस्तार गर्दै लैजाने योजना रहेको प्रमुख डम्बर अर्यालले जानकारी दिनुभयो । जिल्लाका सबै स्थानीय तहमध्ये मेलम्चीले पहिलोपटक एकीकृत सेवा केन्द्र विस्तार गरेको दाबी गरेको छ ।
प्रतिक्रिया दिनुहोस्