काठमाडौं,१९ कात्तिक । न्युजिल्याण्ड विरुद्धको तेस्रो तथा अन्तिम टेष्टमा पाकिस्तान ४७ रनले विजयी भएको छ । यूएईमा भएको खेलमा टस जितेर पहिले ब्याटिङ गरेको पाकिस्तानले २० ओभरमा तीन विकेट गुमाउदै एक सय ६६ रन बनायो ।

]उसका लागि बाबर अजामले ७९ रन बनाए भने मोहम्मद हफिजले ५३ तथा सोयव मलिकले १९ रन बनाए । जसका कारण पाकिस्तानले तीन खेलको श्रृखंलामा ह्वाइट वास गरेको छ ।

यो खेलसगै पाकिस्तानका बाबर अजामले नया“ किर्तीमान बनाएका छन् । जवाफमा न्युजिल्याण्ड १६ ओभर ५ बलमा एक सय १९ रन बनायो । उसका तीन खेलाडीले मात्र दोहोरो अंक जोड्न सके । जसमा कप्तान केन विलियम्सनले सर्वाधिक ६० रन बनाए भने ग्लेन फिलिप्सले २६ रन बनाए ।

बाकि खेलाडी सस्तैमा आउट भए । न्युजिल्याण्डलाई सस्तैमा आउट गर्न सादाव खानले तीन तथा इमाद वासिम र वकास मक्सुदले दुई–दुई विकेट लिए । यो खेलमा पाकिस्तान तीन नया“ रेकर्ड बनाउन सफल भयो । टी–२० क्रिकेटमा कम खेलमा एक हजार रन पूरा गर्ने बाबर अजाम पहिलो खेलाडी बनेका छन् ।

उनले भारतीय कप्तान विराट कोहलीको रेकर्ड तोडे । कोहलीले २७ खेलमा हजार रन पूरा गरेका थिए भने अजामले २६ खेलमा हजार रन पूरा गरे ।

यस्तै विपक्षीको दशै विकेट लिने रेकर्ड पनि पाकिस्तानले लम्ब्याएको छ । अहिलेसम्म पाकिस्तानले ३१ पटक विपक्षीको सबै विकेट लिन सफल भयो । यसअघि अष्ट्रेलियाले १९ पटक लिएको रेर्कड छ ।