काठमाडौं, १ असोज । कञ्चनपुरमा बलात्कारपछि हत्या गरिएकी निर्मला पन्तका परिवारसँग प्रधानमन्त्री केपी शर्मा ओलीले आज भेट गर्दै हुुनुहुन्छ ।
घटना भएको झण्डै २ महिनापछि प्रधानमन्त्री ओलीले निर्मला पन्तका बुवा र आमासंग भेट गर्न लाग्नुभएको हो । राजधानीको बालुवाटारस्थित प्रधानमन्त्री निवासमा निर्मलाका परिवार र प्रधानमन्त्री ओलीबीच केहिबेरपछि भेट हुने ओलीका प्रेस संयोजक चेतन अधिकारीले जानकारी दिनुभयो ।
भेटमा प्रधानमन्त्री ओलीले घटनाका सम्बन्धमा भईरहेको अनुसन्धान तथा हत्याराको खोजीमा भईरहेका पहल बारे मृतकका परिवारलाई जानकारी गराउनुहुने प्रेस संयोजक अधिकारीले जानकारी दिनुभयो । छोरीको हत्यारा पहिचान गरि आफुहरुलाई न्याय दिलाउन भन्दै बुवा यज्ञराज र आमा दुर्गा ६ दिन अघि काठमाडौं आएका थिए । सरकारले नै अपराधिलाई सरंक्षण गरेको भन्दै जनस्तरमा आक्रोश बढेपछि सरकारमाथि थप दबाब बढेको छ । यद्यपी गृहमन्त्री राम बहादुर थापाले घटनाका सम्बन्धमा अनेकौ शंका उपशंका बाहिर आएपनि अनुसन्धान टोलीले सुक्ष्म अध्ययन गरिरहेकाले वास्तबिक दोषी केही दिनमै बाहिर ल्याउने दाबी गर्दै आउनुभएको छ ।
प्रतिक्रिया दिनुहोस्