काठमाडौं,११ चैत्र । पहिलो पटक आयोजना हुन लागेको ईयू टी–२० लिग बेल्जियममा नेपालका ८ जना खेलाडीले खेल्ने भएका छन् ।
नेपाली क्रिकेट टोलीका कप्तान रोहित पौडेल र उपकप्तान दीपेन्द्र सिंह ऐरीसहित सन्दीप लामिछाने, अनिल शाह, गुल्शन झा, आसिफ शेख, ललित राजवंशी र इशान पाण्डे गरी ८ नेपाली खेलाडी विभिन्न टिममा ड्राफ्ट भएका छन् ।
दीपेन्द्रलाई जेबी ब्रुग्सले प्रि–साइन गरेको थियो भने सन्दीप लामिछाने लियेज रेड लायन्समा प्रि–साइन भएका हुन् । रोहितलाई गेन्ट ग्लाडियटर्सले क्याटेगोरी ‘बी’ बाट साइन गरेको छ ।
त्यस्तै, विकेटकिपर आसिफ शेख क्याटेगोरी ‘सी’ बाट एन्टवर्प एंकर्समा अनुबन्ध भएका छन् । ललित राजवंशी र इशान पाण्डेलाई जेबी ब्रुग्सले ड्राफ्ट गरेको छ भने अप्सनल राउन्डबाट अनिल साह र गुल्शन झा पनि जेबीमा आबद्ध भएका छन् ।
प्रतिक्रिया दिनुहोस्