काठमाडौं,२८ भाद्र । बलात्कारपछि हत्या गरिएकी कञ्चनपुरकी निर्मला पन्तकी आमा दुर्गादेवी पन्तले आफूलाई जसरी पनि न्याय दिन राष्ट्रपति विद्या भण्डारी र प्रधानमन्त्री केपी शर्मा ओलीसंग आग्रह गरेकी छन् ।

प्रहरीले छोरीका हत्यारालाई पक्राउ गर्न नसकेपछि न्यायका लागि काठमाडौं आएकी दुर्गाले आफ्नै छोरी सम्झी न्याय दिन आग्रह गरेकी हुन ।

, ‘न्याय पाइन्छ भनी प्रधानमन्त्रीको शरणमा आएको उनले बताएकी छन । राष्ट्रपति पनि आमा हुन् । मेरो मात्र छोरी नसम्झिनु तपाईंको पनि छोरी सम्झिनुस र मेरो छोरीको ठाउँमा आफ्नो छोरी भएको भए के हुन्थ्यो भन्ने सम्झेर न्याय दिनुहुन्छ भन्दै उनले सो आग्रह गरेकी छन । विहिबार पत्रकार सम्मेलन गर्दै उनले सरकारले न्याय दिन नसके गोली ठोक्न चेतावनी दिएकी छन् ।

सरकारलाई चेतावनी दिँदै उनले भनिन्, ‘न्याय दिन सक्नुहुन्न भने हामी न्याय दिन सक्दैनौं, तपाईंलाई मार्न चाहन्छौं भन्नुहोला । मेरो छोरीको बलात्कार भएर बितेर अहिले देश नै रोइरहेको छ । मलाई पनि मार्छु भन्नुस्, गोली ठोक्नुस् । म पनि मर्न चाहन्छु ।’

साथै उनले छोरीको हत्यारा पत्ता लागेर पनि पक्राउ नपर्नु दुःखद भएको बताउदै आफूहरु न्याय खोजन काठमाडौं आएको बताइकी छन ।