काठमाडौं,२६ भाद्र । पर्यटकीय क्षेत्र ठमेलको ज्याठामा आज बिहान भएको भीषण आगलागीका कारण करोडौंको क्षती भएको छ ।

स्थानीय सुनीलमान स्थापितको घरबाट मंगलबार बिहान साढे चारबाट शुरु भएको आगो छिमेकको अर्को घरसम्म फैलिएको हो ।स्थापितको पहिलो तलाबाट शुरु भएको आगो अक्सिजन ग्यास सिलिन्डर भण्डारण गरिएको भुँइतलासम्म सल्किएपछि अनियन्त्रित भएको प्रहरीले जनाएको छ ।
ग्यास सिलिन्डर पड्किन थालेपछि आगो नियन्त्रणका लागि पुगेका प्रहरी र अग्नी नियन्त्रकलाई समेत कठिनाइ भएको थियो । आगो नियन्त्रणको प्रयास समयमै सफल हुन नसक्दा सँगै जोडिएका गौतम तुलाधर र अजयरत्न स्थापितको घरमा पनि आगोले क्षति पुर्याएको छ । दरबारमार्ग प्रहरी वृत्तका डीएसपी दानबहादुर मल्लले जानकारी दिनुभयो । आगलागीका कारण १० करोड बराबरको क्षति अनुमान गरिएको मल्लले जानकारी दिनुभयो ।

आगो नियन्त्रणका लागि काठमाडौ उपत्यकाका जुद्ध बारुणयन्त्रलगायत दमकलसँगै सुरक्षाकर्मी परिचालित भएका थिए । आगलागीबाट भौतिक क्षति भए पनि मानवीय क्षति भने नभएको प्रहरीले जनाएको छ ,