काठमाडौं ,२४ भाद्र । इन्दे्रणी सिप विकास तालिम केन्द्रले हिन्दु नारीहरुको महान् पर्व हरितालिका तिजका अवसरमा विविध कार्यक्रमसहित हरितालिका तीजको शूभकामना आदानप्रदान कार्यक्रमको आयोजना गरेको छ ।

सामाजिक क्षेत्रमा नेतृत्वदायी भुमिकामा रहेका महिला दिदी बहिनीबीच संस्थागत सदभाव एवम् आत्म सम्मानमा अभिवृद्धि गर्ने उद्देश्यले सो कार्यक्रम आयोजना गरिएको आयोजकले जनाएको छ ।

न्यू लूक्स कम्पनीले प्रायोजन गरेको तीज विशेष कार्यक्रममा मोडेल मेकअप प्रतियोगिता पनि आयोजना गरिएको थियो । जसमा उत्कृष्ठ मेकअप गरेवापत व्युटिसियनहरु क्रमश रमा श्रेष्ठ पहिलो त्यसैगरि फस्ट रनरअपमा अनिमा महर्जन, सेकेण्ड रनरअपमा संगीता खत्रीलाई पुस्कार वितरण गरिएको थियो ।

शिक्षाको क्षेत्रमा लामो समयदेखि महत्वपूर्ण भूमिका निर्वाह गर्नुभएकोमा इसिएस स्कुलकी प्रिन्सिपल प्रमिला सिंहलाई सम्मान गरिएको थियो । कार्यक्रममा सभासद् तेजुलाल चौधरीले पुरस्कृत र सम्मानितलाई दोसल्ला ओढाएर सम्मान गर्दै मुलुक आर्थिक समृद्धितर्फ नै अघि बढ्ने आधार नै उद्योग व्यवसाय भएकाले राज्यले उद्योगी व्यवसायीहरुलाई प्रोत्साहन गर्नुपर्ने बताउनु भयो ।

उहाँले अब सबै महिलाहरुलाई आत्मनिर्भर बनाउनु राज्यको दायित्व भएकाले सरकारकातर्फबाट साथ र सहयोगको आवश्यकता रहेकोमा ध्यानाकषर्ण पनि गराउनुभयो । महिलाहरुको महान पर्व तीजको उपलक्ष्मा सुभकामना आदानप्रदान गर्दै सुन्दरताको महत्वबारे ध्यानाआकर्षण गराउन कार्यक्रमको आयोजना गरिएको आयोजकको भनाइ छ ।

६ जना उद्यमशिल महिलाहरुको अगुवाईमा २०७४ मा स्थापना भएको इन्द्रेणी सिप विकास तालिम केन्द्रले छोटो समयमा महिला दिदीबहिनीका लागि धेरै उपयोगी तालीम तथा सहयोगी क्रियाकलाप गर्दै आएको संस्थाकी सञ्चालिका मिनेश्वरी श्रेष्ठले बताउनुभयो ।

संस्थाकी सञ्चालिका रमिता श्रेष्ठले इन्दे्रणी सिप विकास तालिम केन्दले निरन्तर महिला दिदी बहिनीका लागि यस्ता जीवनोपयोगि गतिविधीहरु गर्दै जाने प्रतिवद्धता जनाउनुभयो ।