काठमाडौं, १० भाद्र । स्पेनिस ला लिगा फुटबल अन्तर्गत साविक विजेता बार्सिलोनाले रियल भालोडोलिडबिरुद्ध संघर्षपूर्ण जित हासिल गरेको छ ।
भालाडोलिडले घरेलु मैदानमा बार्सिलोनालाई गोल गर्ने अवसर नै दिएको थिएन । तर, दोस्रो हाफमा ओस्मान डेम्बेलेले बार्सिलोनाका लागि गोल गरे । उनले खेलको ५७औं मिनेटमा सेर्गी रोबर्टोको पासमा गरेको गोल नै बार्सिलोनाको जितमा निर्णायक रह्यो ।
खेलको अन्त्यतिर भालाडोलिडले बराबरी गोल फर्काएको थियो । तर, भिडियो असिस्टेन्ट रेफ्री भारले गोलको मान्यता नदिएपछि यसै सिजनदेखि ला लिगामा बढुवा भएको भालाडोलिडलाई लिगमा पहिलो जित हासिल गर्ने अवसर गुम्यो ।शनिबार राति नै भएको खेलमा एथ्लेटिको मड्रिडले पनि रायो भालेकानोलाई १–० गोलले हराएको छ । खेलको ६३औं मिनेटमा एन्टोइन ग्रिजमनको गोल नै एथ्लेटिको मड्रिडको जितमा निर्णायक बन्यो ।
प्रतिक्रिया दिनुहोस्