नवपरासी ,३ भाद्र । .नवलपरासीको देवचुली नगर स्तरिय बाल सञ्जाल नगर स्तरीय अन्तर विद्यालय बालिका फुटबल प्रतियोगिता देवचुली माध्यामिक विद्यालयले जितेको छ ।

शनिबार देवचुली –१७ स्थित वरचुली माध्यमिक विद्यालयको खेलमैदानमा भएको फाईनल खेलमा देवचुली माध्यमिक विद्यालयले वाइज भिजन बोडिङ स्कुललाई १–० गोलको अन्तरले पराजित गर्दै फुटबलको उपाधि हात पारेको हो ।

खेलको पहिलो हाफमा दुबै टिमले गोल गर्न सकेनन् भने खेलको दोस्रो हाफमा देवचुली माविकी पुजा महतोले गोल गरेसंगै देवचुलीले उपाधी कब्जा गरेको हो ।

देवचुली प्रतियोगीताको बिजेता बन्दै नगद ७ हजारका साथै प्रमाण पत्र र शिल्ड प्राप्त गरेको छ ,भने वाइज भिजन बोडिङ स्कुल उपबिजेता बन्दै ५ हजार नगद सहित प्रमाण पत्र र शिल्ड प्राप्त गरेको छ ।

प्रतियोगितामा विजय हुने टिमलालई देवचुली नगरपालीकाका नगर प्रमुख पुर्णकुमार श्रेष्ठ, नगर उपप्रमुख पार्वता तिवारी, जिल्ला खेलकुद विकास समिति नवलपुरका अध्यक्ष विकास केसी लगायतले पुरस्कार प्रदान गर्नु भएको थियो ।