बुटवल, ३१ साउन ।
बुटवल तथा भैरहवा आसपासका नागरिकलाई अनलाईन बस्तु खरिद सेवाका लागि बुटवलमा पहिलो पटक खोज अनलाईन सप सेवा सुरु भएको छ । फेशन, ईलोक्ट्रोनिक÷इलेक्ट्रिक, फुटवेयर, फुड लगायतका बस्तु तथा समान खरिद तथा विक्रिका लागि विहीबारदेखि बुटवलमा खोज अनलाईन सपिङ्ग संचालनमा आएको हो ।
बुटवलका उपभोक्ताहरुले अनलाईन सपिङ्ग मार्फत १२ प्रकारका ३ हजार उत्पादन खरिद तथा विक्रि गर्न सकिने खोज सप अनलाईन मार्के्टिङ्ग टिमले जनाएको छ । अनलाईन बस्तुसँगै सेवा समेत दिदै आएको खोजले निशुल्क सेवाका लागि खोज इन्फो र समान खरिदका लागि खोज सप अनलाईन बनाएको हो । खोज अनलाईन सपका ओपरेशन म्यानेजर सन्तोश सुवेदीले बस्तु विक्रि गर्नेका लागि र त्यहि बस्तु ग्राहकले किन्नका लागि खोज सप कोशेढुङ्गा हुने विश्वास ब्यक्त गर्नुभयो ।
रुपन्देहीको विभिन्न स्थानका २५ जना समुहले संचालनमा ल्याएको खोज इन्फो र खोज सप चलाउनका लागि २५ लाख लगानी गरिएको पत्रकार सम्मेलनमा जानकारी दिईएको थियो । हाल अनलाईन सपिङ्गको शुभारम्भको अवसरमा केही दिन बुटवल तथा भैरहवा क्षेत्रमा निशुल्क डेलिभरीको ब्यवस्था रहेको र पछि किलोमिटरका आधारमा चार्ज लाग्ने अनलाईनले जनाएको छ ।