डोल्पा २१ साउन । डोल्पामा भिरबाट खसेको ढुङ्गा टाउकोमा लागेर एस.ई.ई दिने विद्यार्थीको मृत्यु भएको छ । मृत्यु हुनेमा मुड्केचुला ७ सर्मी गाँउ बस्ने १५ बर्षिया प्रेम बुढा रहेको जिप्रका डोल्पाका प्रहरी नायव उपरीक्षक हरी प्रसाद शर्माले जानकारी दिए ।
मृतक बुढा एस.ई.ई स्तर बुद्धिगर्ने परीक्षा दिन सदरमुकाम दुनै आउने क्रममा सोमबार बिहान ८ बजेर ३० मिनेटमा त्रिपुरा सुन्दरी नगरपालिका ६ अन्तर्गत श्रीबिण्डे र सिउरेनीबीचमा पर्ने भिरमा टाउकोमा ढुङ्गा लागेर गम्भीर घाईते भएको र केही समय भित्रै मृत्यु भएको प्रहरीले जनाएको छ ।
मृतक बुढा घाईते भएको खवर पाउने बित्तिकै सेनाको हेलिकोप्टरबाट उद्धार गरेर उपचारगर्न लैजाने पहल गरिएपनि उनको मृत्यु भईसकेपछि सुर्खेतबाट उड्नलागेको सेनाको हेलीकोप्टर पनि रोकिएको प्रहरी नायव उपरीक्षक शर्माले बताए ।
प्रतिक्रिया दिनुहोस्