एजेन्सी । बलिउडमा हिरो र हिरोइनहरुबीच सम्वन्ध जोडिने र तोडिने कुरा कुनै नौलो विषय होइन । नुहाएपछि लुगा फेरेझैं प्रेमी–प्रेमिका फेर्नेहरु धेरै छन् बलिउड नगरीमा ।
एक समय रणवीर कपुर दिपिका पादुकोणसँग गहिरो प्रेममा थिए । उनीहरुको जोडीलाई धेरैे सह्राहना पनि गर्थे । तर केही समयपछि उनीहरु छुट्टएि, जसको कारण कसैलाई थाहा भएन ।

दिपिकापछि रणवीरले कट्रिना कैफसँग अफेयर चलाए भने अहिले आलिया भट्टसँग प्रेममा मग्न छन् । यता, दिपिका पनि खाली बसेकी छैनन् । उनको प्रेम अहिले रणवीर सिंहसँग छ र उनीहरुले यसै वर्ष बिहे गर्ने खबरहरु आइरहेका छन् ।

हालै एक अन्तरवार्तामा दिपिकाले रणवीरसँगको प्रेम किन टुटेको थियो भनेर खुलासा गरेकी छन् । रणवीरको नाम नलिइकन उनले भनिन्, ‘त्यो प्रेममा मैले धोका पाएँ । मैले उसलाई अर्कै युवतीसित रंगेहात समातेँ । त्यसपछि हाम्रो सम्वन्ध तोडियो ।’

दिपिकाले भनिन्,

(मलाई धेरैले भनिरहेका थिए कि उसले तिमीलाई धोका दिइरहेको छ । त्यसपछि मैले उसलाई एकपटक सम्झाएँ । उसले माफी माग्यो । र, मैले दोस्रो मौका दिएँ ।

(तर उ सुध्रिएन । अनि त सम्वन्ध तोड्नुको विकल्प नै रहेन ।

(कसैसँग प्रेममा रहँदा म शरीर मात्र नभएर मन पनि उसलाई दिने गर्छु ।

(आफूले तन र मन दिएको व्यक्तिबाट धोका पाउँदा मलाई ठूलो चोट पुग्यो ।

(त्यो ब्रेकअपपछि म धेरै दिनसम्म रोएँ । बिस्तारै आफूलाई सम्हालेँ । र, पहिलेभन्दा परिपक्व बनेँ ।