एजेन्सी, १७ साउन। नयाँ सिजनको तयारीमा रहेको आर्सनलले अर्को इंग्लिस क्लब चेल्सीमाथि रोमाञ्चक जित दर्ता गरेको छ । अन्तर्राष्ट्रिय च्याम्पियन्स कप अन्तर्गत आयरल्याण्डको डब्लिनमा भएको खेलमा आर्सनलले चेल्सीलाई टाइब्रेकरमा ६–५ ले हराएको हो ।
खेलको पाँचौं मिनेटमा नै एन्टोनियो रुडिगरले सेस फ्याब्रिग्यासको पासमा गोल गर्दै चेल्सीलाई अग्रता दिलाएका थिए । १५औं मिनेटमा चेल्सीले पेनाल्टी पायो । अग्रता दोब्बर बनाउने मौमा रहेका अल्भारो मोराटाको पेनाल्टीलाई पिटर चेकले विफल बनाइदिए ।
तर इन्जुरी समयको १७ सेकेण्ड बाँकी हुँदा एलेक्सान्ड्र लाकाजेट्टीले आर्सलनका लागि बराबरी गोल फर्काए । त्यसपछि खेल पेनाल्टी सुटआउटमा धकेलियोे ।
त्यसपछिको पेनाल्टीमा आर्सनल ६–५ ले विजयी भयो । सुटआउटमा चेकले लफ्टस चिकको प्रहार बचाएपछि आर्सनल विजयी भएको थियो ।
प्रतिक्रिया दिनुहोस्