धनकुटा ,७ साउन । धनकुटा नगरपालिका वडा नं. ६ स्थित एक होटलमा तास खेलिरहेको अवस्थामा ५ जना पक्राउ परेका छन ।

स्थानीय सावेत होटलमा तास खेलिरहेको अवस्थामा होटल सञ्चालक धनकुटा नगरपालिका ६ का ४५ वर्षिया तेज बहादुर थापा सहित धनकुटा नगरपालिका ७ का घट्टराज भट्टराई र यज्ञ पराजुली, धनकुटा नगरपालिका ९ का लेख बहादुर राई र सखुवासभा जिल्ला चैनपुर नगरपालिका वडा नं. ५ का महेन्द्र डाँगीलाई प्रहरीले रंगेहात पक्राउ गरेको हो ।

विशेष सुराकको आधारमा उक्त स्थानमा प्रहरी निरीक्षकको नेतृत्वमा खटीएको टोलीले तेज बहादुर थापाले संचालन गरेको होटलमा तास खेलीरहेको अवस्थामा उनीहरुलाई शनिबार प्रहरीले नियन्त्रणमा लिएको हो। तासको खालबाट तिन बुङ तास सहित तास खेल्ने व्यक्तिहरुको साथबाट नगद ७१ हजार ३ सय ८० रुपैयाँ बरामद गरिएको

धनकुटा प्रहरी प्रमुख एसपी सुरेन्द्र गुरुङले जानकारी दिनुभयो । पक्राउ परेका पाँचै जनालाई आइतबार जुवा ऐन २०२० अन्तर्गत जिल्ला अदालत धनकुटाबाट ५ दिन म्याद थप गरि अनुसन्धान भइरहेको एसपी गुरुङले बताउनु भयो ।