टोकियो,जापान ७ साउन । जापानमा पहिलो पटक नमस्ते सुईङ् क्लब (Namaste Sewing Club) को आयोजनामा फेसन रनवे १०१८ (Fashion Runway 2018) नामक फेसन शो हुने भएको छ । अगस्ट ५ तारिख,टोकियोको सेतागया क्याम्पसमा दिँउसो २ बजेदेखि सुरु हुने फेसन रनवेमा नेपाली फेसन डिजायनर प्रेम स्याङ्बोको डिजायनमा जापानमा रहेका नेपाली मोडलहरुको पनि सहभागिता रहनेछ ।

नेपालबाट जापानमा अध्यायनका लागि आउने धेरै विद्यार्थीहरुको हुलमा सन २०१२ मा जापान आई, यहीँ फेसन डिजाईनिंगको अध्यायन गरी आफ्नो क्षमता र कलालाई फेसनमा उतार्दै, अन्तर्राष्ट्रिय जगतमा पहिचान बनाउँदै गरेका फेसन डिजायनर प्रेम स्याङ्बोले देखेका सपनाको मुर्तरुप हो, Namaste Sewing Club को यो प्रथम फेसन शो ले फेसन डिजायनको क्षेत्रमा नेपाली प्रतिभाको पहिचान गराउने आशा गरिएको छ । आईतबार, टोकियोको सिनओकुबोमा आयोजित,सञ्चारकर्मीहरुसंगको भेटघाट कार्यक्रममा, स्याङ्बोले भने – ‘नेपाल रहँदादेखि नै फेसनप्रति रुची र लगाव थियो, जापानमा एकेडेमिक अध्यायन गरेपछि थप नजिकबाट बुझ्ने अवसर पाएँ ।’

अध्यायन पश्चात फेसन डिजायनरकै रुपमा जापानी कम्पनीमा जागिरे जीवन बिताएका प्रेम अव नेपाली मन,औपचारिक अध्यायन र व्यवहारिक ज्ञान लिएर, नेपाली र जापानी समुदायमा आफ्नै पहिचान प्रस्तुत गर्ने जमर्को गर्दैछन् । ‘Fashion Runway 2018’ यस ईभेन्टमा प्रेमले एसियन कलर कम्बिनेसनमा गरेका डिजायनहरु प्रस्तुत गरिने छन् । प्रेम जापानमा व्यवसायीक फेसन डिजायनिङ्को क्षेत्रमा कृयाशील पहिलो नेपाली पनि हुन् ।

उनको डिजायनमा अन्तर्राष्ट्रिय अध्यायनबाट आर्जित ज्ञान र एशियन संस्कृती, रुची र भेषभुशा र नेपाली पनको समिश्रणका रंगहरु भेटिन्छन् । फेसन केबल बाहिरी आवरण सजावटको साधन मात्र होईन् यो त मानिसको ह्याप्पीनेस सँग जोडिएको हुन्छ । फेसनले दिने खुसी अरु चिजले दिन सक्दैन ।

फेसनले मानिसमा आत्मविश्वास बढाउँछ ।तर हाम्रो समाजमा फेसन केबल बुटिकमा सिमित भएको पाईन्छ । बुटिक त फेसनको एउटा पाटो मात्र हो । Namaste Sewing Club ले जापानमा पहिलो पटक फेसन र फेसन संग जोडिएका सम्पूर्ण पाटोहरु समेटेर केहि फरक गर्ने कोशिस गरेको बताईएको छ ।