काठमाडौ, ३ साउन । भाडाका ट्याक्सीले मिटरमा जान नमाने जानकारी दिन यातायात व्यवस्था विभागले जानकारी दिन आग्रह गरेको छ ।
काठमाडौं उपत्यकाभित्र सञ्चालित मिटरजडित ट्याक्सीको प्रयोग गर्दा सेवाग्राहीबाट बारम्बार गुनासो आउन थालेपछि यातायात व्यवस्था विभागले फोन र एसएमएसमार्फत जानकारी दिन आह्वान गरेको हो ।
यात्रुले मिटरजडित ट्याक्सीको सेवा प्रयोग गर्न अनुरोध गर्दा गन्तब्य स्थानसम्म जान नमानेमा वा आलटाल गरेमा, मिटरमा जान नमानेमा, ट्याक्सी स्ट्याण्डमा सवारी पार्किङ गरी लामो समयसम्म चालकसिटमा नबसेको पाइएमा, मिटर बिगारेमा वा गन्तब्यसम्म लाग्ने रकम अस्वाभाविक रुपमा बढी देखिएमा यात्रुले विभागको मोबाइल नम्बर ९८५१२७३२२२ मा फोन वा एसएमएस गरी खबर गर्न सक्ने व्यवस्था मिलाएको छ ।
प्रतिक्रिया दिनुहोस्