काठमाडौं,३० असार । काठमाडौंको सोल्टीमोडमा ट्रिपरले मोटरसाइकलाई ठक्कर दिँदा एकजनाको मृत्यु भएको छ ।
ना ७ ख ९४७५ नम्बरको ट्रिपरले बा ९६ प ४९११ नम्बरको मोटरसाइकलाई ठक्कर दिँदा मोटरसाइकल पछाडि सवार १८ वर्षीया अनुजा घिमिरेको मृत्यु भएको हो ।
मोटरसाइकल चालक अनुजाका दाजु अनुज भने सामान्य घाइते भएको प्रहरीले जनाएको छ । ललितपुरको चापागाउँबाट धादिङ नौविसेमा सिमेन्ट फ्याक्ट्रीका लागि ढुंगा बोकेर हिँडेको टिपरले सोल्टीमोडमा दिउसो मोटरसाईकललाइ ठक्कर दिएको थियो ।
प्रहरीले टिपर र चालकलाई नियन्त्रणमा लिएको छ । काठमाडौ उपत्यकामा ट्रिपर दुर्घटना बढ्न थालेपछि सरकारले साउन १ गतेबाट ट्रिपरलाई रातिको समयमा मात्र चलाउन पाउने नियम ल्याएको छ ।
प्रतिक्रिया दिनुहोस्