रौतहट,२४ असार । रौतहटमा गोली प्रहार गरी अज्ञात समूहले मोटरसाइकलसहित १ व्यक्तिलाई लुटेको छ । शनिबार राति ८ः३० बजे बारा सुर्वण गाँउपालिका–८ का किशोर शाह कानु जिल्लाको देवाही गोनाही नगरपालिका–४, बकैया खोला किनारमा लुटिएका हुन् ।
कुटपिटबाट टाउकोमा चोट लागेका उनको अहिले गरुडा अस्पतालमा उपचार भइरहेको प्रहरीले जनाएको छ ।प्रहरीले लुटिएको मोटरसाइकल घटनास्थलभन्दा ३ किलोमिटर पूर्व देवाही गोनाही(८ को एक पोखरीनजिक फेला पारेको छ ।
जिल्ला प्रहरी कार्यालय, रौतहटले लुटेरा समूहको खोजी भइरहेको जनाएको छ । ससुराली आउदै गरेका शाह मोटरसाइकल, रकम र मोबाइलसहित गए राति ८ः३० बजे बकैयाको बाँधमा लुटिएको जानकारी दिए ।
प्रतिक्रिया दिनुहोस्