मस्को २२ असार । जारी विश्व कप प्रतियोगितामा पहिलो क्वाटरफाइनलमा फ्रान्सले उरुग्वे विरुद्ध २ गोल गरेको छ । पहिलो हाफमा अग्रता लिएको फ्रान्सले दोस्रो हाफको ६२ मिनेटमा दोस्रो गोल गरेको हो ।

पहिलो हाफको ४० औं मिनेटमा डिबक्स नजिकै पाएको फ्रिकिकबाट फ्रान्सका लागि गोल भएको थियो । एन्टोइन ग्रिजम्यान प्रहार गरेको फ्रिकिकलाई डिफेन्डर भरानेले हेडमार्फत सुन्दर गोलमा परिणत गर्दा मैदानमा खशुी छाएको थियो । दोस्रो हाफमा समेत ग्रिजम्यानले निकै शानदार गोल गरे ।

पौने आठबाट निझ्नी नोभगोरोद रंगशालामा सुरु भएको खेलमा फ्रान्सका एम्बाप्पेले आफै मैदानमा पल्टेर नाटक गरेको भन्दै एल्लो कार्ड पाएका छन् । दुई पूर्वविजेता फ्रान्स र उरुग्वेको खेल प्रतिस्पर्धात्मक बनेको छ । उरुग्वे दुईपटकको र फ्रान्स एक पटकको विश्वविजेता टोली हो । अन्तिम १६ को खेलमा अर्जेन्टिनालाई ४–३ ले पराजित गरेको फ्रान्स यसपटक विश्वकप जित्ने मुडमा देखिएको छ ।

उरुग्वे सन् १९३० मा भएको पहिलो संस्करण र सन् १९५० मा विश्वविजेता टोली हो । जारी विश्वकपमा पनि उरुग्वेका स्ट्राइकरद्वय लुइस स्वारेज र एडिन्सन काभानीको जोडी निकै जमेपनि आज भने फिका सावित भएका छन् ।