काठमाडौं, २५ चैत । तीन दिने भारत भ्रमणमा रहनुभएका प्रधानमन्त्री केपी शर्मा ओली आइतबार साँझ स्वदेश फर्कँदै हुनुहुन्छ । प्रधानमन्त्री ओलीलाई भारतीय गृहमन्त्री राजनाथ सिंह र अर्थ राज्यमन्त्री शिवप्रताप शुक्लाले बिदाई गर्नुभएको छ । प्रधानमन्त्री ओलीको स्वागत पनि गृहमन्त्री शुक्लाले नै गर्नुभएको थियो ।
प्रधानमन्त्री ओली साँझ ८ बजे काठमाडौँस्थित त्रिभुवन अन्तर्राष्ट्रिय विमानस्थलमा अवतरण गर्नुहुने छ । राजकीय भ्रमणमा शुक्रबार भारत जानु भएका ओलीले भारतीय राष्ट्रपति, प्रधानमन्त्री, उपराष्ट्रपतिलगायत विभिन्न राजनीतिक दलका प्रतिनिधिका साथै, उद्योगी व्यवसायीसँग भेट गर्नुभयो ।
प्रधानमन्त्री ओली र समकक्षी नरेन्द्र मोदीबीच नेपालको विकास र समृद्धिमा सहयोग पुर्याउने विषयमा सहमति भएको छ । कृषि, जलमार्ग र रेलमार्ग निर्माण गर्ने दुवै देशका प्रधानमन्त्रीबीच सहमति भएको छ।
प्रतिक्रिया दिनुहोस्