विराटनगर, २५ चैत । जिल्ला प्रहरी कार्यालय मोरङले आचार्य श्रीनिवासलाई गोली हान्न संलग्न रहेको आशंकामा २ जनालाई पक्राउ गरेको छ । स्थानीय राजनकुमार यादव र विनोद दासलाई प्रहरीले विराटनगर १४ जतुवा क्षेत्रबाट पक्राउ गरेको हो ।
मोरङका प्रहरी प्रमुख एसपी अरुण बिसीले पक्राउ परेकाहरुमाथि अनुसन्धान भइरहेको बताएका छन् ।
शनिबार राति २ बजेतिर शौच गर्न निस्किएका बेला आचार्यलाई विराटनगरको जतुवामा गोली प्रहार भएको थियो । गोली लागेर घाइते भएलगत्तै उनलाई विराटनगरस्थित न्यूरो अस्पताल लगिएको थियो । हाल उनले न्यूरो अस्पतालमा उपचार भइरहेको छ।
प्रतिक्रिया दिनुहोस्