काठमाडौं । प्रतिनिधि सभा सदस्य निर्वाचन २०८२ अन्तर्गत देशभर १६० निर्वाचन क्षेत्रमा मतगणना जारी रहेको छ। हालसम्म सार्वजनिक परिणामअनुसार राष्ट्रिय स्वतन्त्र पार्टीले उल्लेखनीय प्रदर्शन गर्दै १६ क्षेत्रमा जित हात पारेको छ भने १०२ निर्वाचन क्षेत्रमा अग्रता कायम गरेको छ।
निर्वाचन आयोगका अनुसार रास्वपाबाट यी उम्मेदवार विजयी भएका छन्:
- सन्तोष राजवंशी — मोरङ–४
- रुविना आचार्य — मोरङ–६
- मनिषा झा — धनुषा–३
- रन्जु न्यौपाने — काठमाडौं–१
- राजुनाथ पाण्डे — काठमाडौं–३
- पुकार बम — काठमाडौं–४
- सस्मित पोखरेल — काठमाडौं–५
- गणेश पराजुली — काठमाडौं–७
- विराजभक्त श्रेष्ठ — काठमाडौं–८
- डोलप्रसाद अर्याल — काठमाडौं–९
- प्रदीप विष्ट — काठमाडौं–१०
- उत्तमप्रसाद पौडेल — कास्की–२
- बिना गुरुङ — कास्की–३
- कन्हैया बानियाँ — रुपन्देही–४
- सुरेशकुमार चौरी — बाँके–१
अन्य दलहरूको अवस्था
हालसम्म २० निर्वाचन क्षेत्रमा अन्तिम नतिजा सार्वजनिक भइसकेको छ। प्रत्यक्षतर्फ कुल १६५ निर्वाचन क्षेत्रमध्ये १६० क्षेत्रमा मतगणना जारी रहेको निर्वाचन आयोगले जनाएको छ।
नेपाली कांग्रेसले तीन क्षेत्रमा जित निकालेको छ।
- टेकबहादुर गुरुङ — मनाङ–१
- योगेश गौचन थकाली — मुस्ताङ–१
- बासना थापा — दैलेख–१
जारी मतगणनामा कांग्रेसका उम्मेदवार ११ स्थानमा अगाडि रहेका छन्।
यसैबीच नेपाल कम्युनिस्ट पार्टीका संयोजक पुष्पकमल दाहाल प्रचण्ड रुकुम पूर्व–१ बाट विजयी भइसकेका छन्। नेकपाका उम्मेदवार अन्य ११ क्षेत्रमा अग्रस्थानमा छन्।
त्यसैगरी नेपाल कम्युनिस्ट पार्टी (एमाले)का मोहम्मद इश्तियाक राई बाँके–१ बाट विजयी भएका छन् भने एमालेका उम्मेदवार १२ निर्वाचन क्षेत्रमा अग्रस्थानमा छन्।
यसका साथै श्रम संस्कृति पार्टीका उम्मेदवार तीन स्थानमा, राष्ट्रिय प्रजातन्त्र पार्टीका उम्मेदवार एक स्थानमा र एक स्वतन्त्र उम्मेदवार पनि एक क्षेत्रमा अग्रता लिइरहेका छन्।
देशभर मतगणना तीव्र रूपमा जारी रहेकाले आगामी केही घण्टाभित्र थप परिणाम सार्वजनिक हुने अपेक्षा गरिएको छ।
प्रतिक्रिया दिनुहोस्