काठमाडौ, २४ चैत । बहुचर्चित अरुण तेश्रो जलविद्युत आयोजनाको शिल्यास हुने कार्यतालिका भएपनि अन्तः हुन सकेन । प्रधानमन्त्री केपी शर्मा ओली र भारतीय प्रधानमन्त्री नरेन्द्र मोदीले संयुक्त रुपमा शिलन्यास गर्ने तय भएको थियो ।

प्रधानमन्त्री केपी ओली र भारतीय समकक्षी नरेन्द्र मोदीले संयृुक्त रुपमा शिलन्यास गर्ने भएपनि नेपालको तयारी नपुगेकोले शिलन्यास हुन नसकेको उद्योग मन्त्री मात्रिका यादवले बताउनुभएको छ ।

अरुण तेश्रोसंगै पाइपलाईनको समेत उद्घाटन गर्ने कार्यतालिका थियो । तर कानुनः उत्पादन अनुमतिपत्र लाइसेन्स नलिई जलविद्युत आयोजनाको शिलन्यास गर्न पाइदैन । लागत अनुमान १ खर्ब ४ अर्व रुपैयाको अरुण तेश्रो ९ सय मेगावाट क्षमताको हो । अरुण तेश्रोमा भारत सरकारले लगानी गर्ने गरेकोले वित्तिय समस्या नआउने बताइएको छ ।

भारतीय सरकारी कम्पनी भारतीय सतलज निगमले १० वर्ष अघि खुल्ला प्रतिस्पर्धाबाट लाइसेन्स पाएको आयोजनाको साढे तीन वर्ष अघि भारतीय प्रधानमन्त्री नरेन्द्र मोदीले नेपाल भ्रमणको क्रममा आयोजना विकास सम्झौता (पिडिए) भएको थियो ।

भारतीय सरकारी कम्पनीद्वारा निर्माणाधिन सो आयोजना निर्माणको लागि भारत सरकारले ९१ अर्व रुपैया बजेट उपलब्ध गराइएको छ । अरुण तेश्रो आयोजना पुरा भएपछि नेपालले निशुल्क विजुलीसंगै कर लगायतबाट २५ वर्षमा ३ खर्ब ४८ रुपैया लाभ पाउने बताइएको छ ।