नयाँदिल्ली, २३ चैत । तीन दिने भारतको राजकीय भ्रमणका रहेका प्रधानमन्त्री केपी शर्मा ओली र भारतीय समकक्षी नरेन्द्र मोदीसँग बीच भेटवार्ता सम्पन्न भएको छ ।

शुक्रवार बिहान नयाँदिल्ली प्रस्थान गरेका प्रधानमन्त्री ओली नेपाल–भारत व्यावसायिक फोरमको कार्यक्रम, प्रवासी नेपालीको कार्यक्रमलगायतमा सरिक भएका थिए । भारतीय राष्ट्रपति निवासमा विभिन्न भारतीय उच्च पदस्थ अधिकारी, राजनीतिक दलका प्रतिनिधिलगायतसँग भेटगरी प्रधानमन्त्री ओली साँझ ६ः३० बजे भारतीय प्रधानमन्त्री निवास सेभेन रेसकोर्स पुगेको ओलीका प्रमुख राजनीतिक सल्लाहकार विष्णु रिमालले जानकारी दिए ।

शनिवारका लागि तय भएको भेटवार्ताको कार्यक्रमलाई भारतीय प्रधानमन्त्री मोदीले शुक्रवारलाई सारेका हुन् । दुई प्रधानमन्त्रीबीचको औपचारिक भेटवार्ता भने शनिवार प्रधानमन्त्री कार्यालय हैदरावादमा तय भएको छ । आजै सांझ ओलीसंग भारतीय राष्टिय सुरक्षा सल्लाहार अजित डोभालले समेत भेटवार्ता गर्ने छन् ।
आजै प्रधानमन्त्री ओलीले भारतका पूर्व प्रधानमन्त्री मनमोहनसिंहको टोलीसंग पनि भेटवार्ता गरेका छन् ।