काठमाडौं ३ असोज । नेकपा माओवादी केन्द्रका अध्यक्ष तथा दशवर्षे जनयुद्धका कमाण्डर प्रचण्डले नेपालको इतिहासमा सवैभन्दा ठूलो जेनजी विद्रोह जनयुद्ध भएको बताएका छन् । संविधान दिवसको अवसरमा पार्टी कार्यालयमा भएको कार्यक्रममा प्रचण्डले जनयुद्धको शुरुवात र पहलकदमी गर्दा माओवादी आन्दोलनमा सवैभन्दा बढी जेनजी पुस्ताका हजारौं युवायवती संगठित भएको दावी गरेका छन् ।प्रचण्डले भने आज मैले त्यसबेलाको हिसाब गरें , सवैभन्दा बढी जनेजीहरु त माओवादी आन्दोलनमा नै थिए ।
प्रचण्डले जेनजी विद्रोहको अगतरणका लागि समे सहजीकरण गर्ने अवसर पाएको जानकारी गराए । भदौ २६ गते रातभर आफुले राष्ट्रपति र प्रधानसेनापतिसँग घनिभुत छलफल गरेको प्रचण्डले सविस्तार बताएका छन् । उनले भने वर्तमान राष्ट्रपति र त्यो संस्थाप्रति हाम्रो पनि अपनत्व छ । राष्ट्रपतिलाई म बधाई भन्न चाहन्छु उनले भने ।

जेनजी आन्दोलनको अवतरमा मैले सहजीकरण गरें

संविधान दिवसका अवसरमा भएको कार्यक्रममा बोल्दै प्रचण्डले यो संविधान जारी नगर्न सवैभन्दा बढी धम्की आफूले पाएको बताएका छन् ।
अहिले जेनजी विद्रोहले माओवादीले अघि सारेका योजना र कार्यक्रमलाई पुष्टि गरेको दावी गरेका छन् । भ्रष्टचार विरुद्ध र सुशासनका पक्षमा काम गरिरहेका कारण नै बेइमानहरुले सरकारबाट हटाएको दुखेसो समेत प्रचण्डले व्यक्त गरे ।

प्रचण्डले कांग्रेस र एमालेका नेताहरुलाई पटक पटक भूराजनीतिक तनाव र समाजमा गुम्सिएको आक्रोशबारे पटक पटक चेतावनी दिएको स्मरण गरे ।

जनेजी आन्दोलनलाई समर्थन गर्ने पहिलो पार्टी पनि माओवादी नै रहेको उनले दावी गरे ।
भदौ २३ गतेको नरसंहारले भदौ २४ को विध्वंस निम्तयाएको प्रचण्डको भनाई छ । आगजनी र तोडफोड नगरौं भन्ने जेनजी अगुवाहरुको अपिल विरुद्ध विध्वंस गरिएको प्रचण्डले बताए ।