काठमाडौं २४ भदौ ।एबीसी टिप्पणीः प्रधानमन्त्री केपी शर्मा ओलीले पदबाट राजीनामा दिएका छन् । उनले पदबाट दिएको सचिवालयले जानकारी गराएको छ ।
ओलीले अन्तत एमाले, कांग्रेस सहित सवै दल र संसद र सिंहदरबारलाई समेत जलाउनुका साथै सवै पार्टी कार्यालयका भौतिक चिन्हहरुलाई समेत खरानी बनाएपछि बल्ल राजीनामा दिएका छन् । सोमबार दिउँसोदेखि मंगलबार अपरान्हसम्म ओली र नेपालको कालो इतिहास बनाएका छन् । यस्तो कलंकको टिका शायदै कोही शासकले लगाएको होस् ।

सोमबारबाट जारी जेनजीहरूको प्रदर्शन उग्र बनेपछि अन्ततः प्रधानमन्त्री ओली राजीनामा दिन बाध्य भएका हुन् ।

जेनजीहरूको प्रदर्शनका क्रममा सोमबार एकैदिन १९ जना युवाहरूले ज्यान गुमाएका थिए । मंगलबार बिहानैदेखि सडकमा युवाहरूले प्रदर्शन गरिरहेका छन् । मंगलबार थप एकजना प्रदर्शनकारीकाो उपचारका क्रमम निधन भएको छ । ओली प्रशासनले लगाएको कफ्र्यूृले ओलीकै राजीनामा गराउने बाहेक कुनै योगदान गर्न सकेन । बरु देशभर पार्टी कार्यालय र सरकार सम्पत्तिमाथिको आक्रमणलाई निम्त्यायो ।
ओलीको यहाँसम्मको यात्रा अन्तत गणतान्त्रिक प्रणाली नै सिध्याउने सुढेनीका रुपमा स्थापित हुने खतरा अझै टरिसकेको छैन । अब निर्वाचित निकायहरु निकम्मा बन्ने दुर्भाग्य निम्तियो भने देशी शक्तिहरुका हातमा राजनीतिक कमान नहुने निश्चित छ । युरोपेली इतिहासको निरोका रुपमा ओलीले आफूलाई दर्ज गराइरहँदा शेख हसिनाका अब्बल भ्राताका रुपमा समेत तुलनायोग्य बनाएर वल्र्ड रेकर्डमा नाम लेखाउन पाउने भएका छन् ।

ओलीले झनै भूराजनीतिक मामिलालाई यति नराम्रोसँग गिजोले । लाग्थ्यो, उनले कुनै पुतली नाचको अभिनय गरिहेका छन् ।
पछिल्लो निर्वाचनपछि ओलीले दल र विभिन्न पात्रहरुलाई जसरी सकुनीको पासाका रुपमा खेलाएका थिए, त्यसभन्दा दर्दनाक क्षणमा उनी आफूसँगै एमाले र बाँकी दलहरुलाई पनि निरिह बनाउने कृत्य गरेका छन् । सम्भ्वत नेपालको इतिहासको कुनै पनि क्षणले अब ओलीलाई माफ गर्ने छैन ।
सार्वभौम भनिएको संसदमा छुरा प्रहार गरेका ओलीले विद्या भण्डारीको राजनीति चिरहरण गर्ने हदसम्म गिरेका थिए । उत्कर्ष देशलाई नै आगोको ज्वालामा दन्काएर सकाएका छन् ।

सोमबारदेखि प्रदर्शनमा उत्रिएका जेनजीहरूले आज पनि प्रदर्शन जारी राखेका छन् । अहिले काठमाडौं लगायत देशका विभिन्न ठूला शहरहरूमा प्रदर्शन भइरहेको छ ।

शीर्ष नेतका घर, पार्टी कार्यालय, प्रहरी कार्यालयहरूमा प्रदर्शनकारीहरूले लगातार ढुंगामुढा गरिरहेका छन् । यो अभियानलाई कसले कसरी रोक्ने हो ? कसैलाई थाह छैन ।

देशका मन्त्रीहरूलाई समेत अहिले नेपाली सेनाको हेलिकप्टरबाट अन्यत्र सारिएको छ । उनीहरु बन्दी हुन् कि सुरक्षित ढोका बनाइदिइएको हो थाहा छैन । हिजोसम्म सत्ताको चावी समातेर बुढानिलकण्ठमा वाइन पिइरहेका देउवा एकाविहानै निवासबाट भागेको घटनाबाट उनका ज्योतिषले पनि जोगाउन सकेनन्। प्रजातन्त्रसँग नसो जोडिएको भन्ने कांग्रेस समेत ओलीपथमा ओइलाएकै कारणले पनि यो दुरदशा आइलागको भन्नेमा कुनै दुविधा छैन ।