काठमाडौं ३१ साउन । बहुप्रतिक्षित अमेरिकी राष्ट्रपति डोनाल्ड ट्रम्प र रुसी राष्ट्रपति भ्लाद्मिर पुटिनबीच पहिलो शान्ति वार्तामा रुस–युक्रेन युद्धविराम भने घोषाण हुन सकेन । ३ घण्टा भन्दा लामो समय वार्तामा बसेका विश्वका दुई शिर्ष नेताले संक्षिप्त रुपमा प्रेसर्ला सम्वोधन गर्दै शान्ति स्थापना गर्नेमा आशावादी रहेको बताएका थिए ।

प्रेस सम्मेलनको अन्तमा रुसी राष्ट्रपति पुटिनले समकक्षी ट्रम्पलाई अर्को वार्ता मस्कोमा गर्न प्रस्ताव गरेका थिए । जबाफमा ट्रम्पले ओहो भन्दै आश्चार्य व्यक्त गरेजस्तो मात्र गरेका थिए ।
प्रेस सम्मेलनमा ट्रम्पले वार्ताको क्रममा नेटो नेताहरु र युक्रेन राष्ट्रपति जेलेन्स्कीसँग समेत आफूले कुरा गरेको जानकारी दिंदै पुटिनसँगको वार्तालाई प्रोफउन्ड को संज्ञा दिएका थिए । वार्ताको विस्तृत विवरण सार्वजनिक हुन बाँकी छ । दुई नेताबीचको वार्ता सन् १८६७ मा अमेरिकाले रुसबाट किनेको राज्य अलास्कामा भएको थियो ।