काठमाडौ २१ साउन । पाकिस्तानको बलुचिस्तान प्रान्तको मस्तुङ जिल्लामा मंगलबार राति बम विस्फोटमा परी एक पाकिस्तानी सेनाका मेजरसहित कम्तीमा तीन सुरक्षाकर्मीको मृत्यु भएको छ।
घटना कुर्दगाप तहसीलको काली पसन्द खाननजिकै भएको हो।
बीबीसी उर्दुसँग कुरा गर्दै एक वरिष्ठ प्रशासनिक अधिकारीले भनेका छन्, ‘अज्ञात हतियारधारी व्यक्तिहरूले यहाँ विस्फोटक पदार्थ राखेका थिए। सुरक्षा बलका गाडी त्यहाँबाट गइरहेका बेला विस्फोट भयो।’
उनका अनुसार एउटा सैन्य गाडी विस्फोटमा परेको थियो, जसमा रहेका एक सेनाका मेजर र अन्य दुई सैनिकको मृत्यु भएको हो। दुर्घटनामा अन्य तीन जना घाइते भएका छन्।
पाकिस्तानी सेनाको मिडिया शाखा आईएसपीआरले आक्रमणबारे अहिलेसम्म आधिकारिक विज्ञप्ति जारी गरेको छैन।
यसैबीच बलुच लिबरेसन आर्मीले आक्रमणको जिम्मेवारी लिएको छ।
प्रतिक्रिया दिनुहोस्