काठमाडौ १६ साउन । प्रधानमन्त्री केपी शर्मा ओलीले कोदोका परिकारहरू खान र उत्पादन बढाउन आह्वान गरेका छन्।

सरकारले यस वर्षदेखि ९साउन १६ गते० राष्ट्रिय कोदो दिवस मनाउने निर्णय गरेको छ।

कोदो दिवसको अवसरमा शुभकामना सन्देश जारी गर्दै प्रधानमन्त्री ओलीले कोदोको उत्पादन र उपभोग बढाउन नागरिकलाई आह्वान गरेका हुन्।

‘कोदो हाम्रो परम्परागत खाद्यान्न बाली मात्र होइन, यसको पोषणीय महत्त्व । ग्लाइसेमिक इन्डेक्स कम हुने भएकाले रगतमा चिनीको मात्रा नियन्त्रण गर्न, यसमा हुने फाइबरले हृदय स्वास्थ्य मजबूत बनाउन मद्दत गर्छ, प्रधानमन्त्रीले सामाजिक सञ्जालमा लेखेका छन्, ‘सिँचाइ बिना नै उत्पादन हुन सक्ने यस्तो गुणकारी खाद्यान्नलाई प्रवर्द्धन गर्न सरकारले यस वर्षदेखि साउन १६ गतेलाई राष्ट्रिय कोदो दिवसका रूपमा मनाउने निर्णय गरेको छ। कोदो उत्पादन बढाऔँ, कोदोका परिकारहरु उपभोग गरौँ, कोदो दिवसको शुभकामना।’