काठमाडौं ५ साउन । भारतका उपराष्ट्रपति जगदीप धनखरले सोमबार पदबाट राजीनामा दिएका छन्।

राष्ट्रपति द्रौपदी मुर्मुलाई लेखेको राजीनामापत्रमा उनले स्वास्थ्य अवस्था र चिकित्सकको सल्लाहलाई कारणका रूपमा उल्लेख गरेका छन्।

उनले संविधानको धारा ६७ (क) को आधारमा राजीनामा घोषणा गरेका हुन्।

उपराष्ट्रपतिले राजीनामापत्र आफ्नो सामाजिक सञ्जालमा पनि राखेका छन्।

राष्ट्रपति मुर्मुलाई लेखेको पत्रमा उपराष्ट्रपति धनखरले लेखेका छन्, ‘स्वास्थ्यलाई प्राथमिकता दिँदै र चिकित्सा सल्लाह पालना गर्दै म तत्काल लागु हुने गरी भारतको उपराष्ट्रपति पदबाट राजीनामा दिइरहेको छु।’

यसका साथै उनले यतिन्जेल सहयोग र सद्‌भावका लागि राष्ट्रपति, प्रधानमन्त्री नरेन्द्र मोदी र मन्त्रिपरिषद्लाई धन्यवाद दिएका छन्।

उपराष्ट्रपति जगदीप धनखरले आफ्नो राजीनामा पत्रमा लेखेका छन्, ‘संसद्‌का सबै माननीय सदस्यहरूबाट मैले पाएको स्नेह, विश्वास र सम्मान मेरो जीवनभर मेरो हृदयमा रहनेछ।’
धनखडको राजीनामालाई हालै मात्र आरएसएस प्रमुख मोहन भागवतले ७५ उमेर पुगेपछि आरएसएस कार्यकर्ताले अवकाश लिनु पर्ने विचार अघि सारेका थिए । यही मे महिनामा धनखड ७५ वर्ष पुगेको भारतीय मिडियाले जनाएका छन् ।
धनखडको राजीनामा प्रधानमन्त्री नरेन्द्र मोदीमाथि समेत दबाव पर्ने विश्लेषण भइरहेको छ ।