काठमाडौं, १५ चैत । हास्य कलाकार तथा सामाजिक अभियन्ता सिताराम कट्टेल धुर्मुसले अब अन्तर्राष्ट्रिय क्रिकेट रंगशाला निर्माण गर्ने घोषणा गरेका छन् ।

फेसबुकमा स्टाटस लेख्दै कलाकार कट्टेलले धुर्मुस सुन्तली फाउन्डेसनले अन्तर्राष्ट्रिय रंगशाला निर्माण गर्ने  उल्लेख गरेका छन्।

‘यो अभियान धुर्मुस सुन्तली फाउन्डेसनको मात्रै नभएर राष्ट्रकै अभियान हो,’ उनले लेखेका छन् ।

यो परियोजना सरकारर्लाइ सघाउनका लागि निम्ति भएको भन्दै यसमा नेपाल सरकारले गम्भिरतापूर्वक साथ, सहयोग र समन्वय गर्ने विश्वास उनले व्यक्त गरेका छन् ।

धुर्मुसले यसअघि नमूना नेपाल नामको अर्को परियोजना घोषणा गरेका थिए । उनले दुवै परियोजना आफूहरुका लागि उत्तिकै महत्वपूर्ण हुने उल्लेख गर्दै अन्त्यमा सोधेका छन्, ‘अब भन्नुहोस कुन चाहिँ पहिला?’

धेरैले यसको जवाफमा पहिले क्रिकेट रंगशाला निर्माण हुनुपर्ने प्रतिक्रिया दिएका छन्।

धुर्मुस सुन्तली फाउन्डेसनले ४ वटा नमूना वस्ती निर्माण गरेर हस्तान्तरण गरिसकेको छ।