काठमाडौ ३ असार । इजराइलले इरानको सबैभन्दा ठूलो आणविक केन्द्रमा हमला गरेको छ।

इजराइलले इरानको इस्फाहान प्रान्तको नातान्जमा रहेको युरेनियमा संवर्द्धन केन्द्रमा हवाई आक्रमण गरेको अन्तर्राष्ट्रिय सञ्चारमाध्यमहरूले जनाएका छन्।

रोयटर्सका अनुसार इजराइली हमलमा केन्द्रको संरचनामा क्षति पुगेको र केही प्रयोगशाला र विद्युत प्रणाली प्रभावित भएको छन्।

नतान्ज युरेनियम समृद्धिकरण केन्द्र हो। यूरेनियम ग्यासलाई उच्च स्तरसम्म समृद्ध गरेपछि आणविक इन्धन र हतियारका रूपमा प्रयोग गरिने अन्तर्राष्ट्रिय सञ्चारमाध्यमहरूले जनाएका छन्।

इरानले त्यस क्षेत्रमा भूमीगत सुरूङ बनाएर युरेनियम समृद्धिकरण गर्दै आएको थियो। इरानी सुरक्षास्रोतहरूले प्रारम्भिक क्षतिको विवरण सार्वजनिक नगरे पनि केही संरचनामा क्षति भएको र वैज्ञानिकहरूलाई सुरक्षित स्थानमा सारिएको जानकारी दिएका छन्। मानवीय क्षति सम्भावना न्यून रहेको बताइएको छ।

इरानले आक्रमणको जबाफ दिने बताएको छ। संयुक्त राष्ट्रसंघीय निकाय आईएईए आणविक क्षेत्रमा भएको हमलालाई नजिकबाट हेरिरहेको बताएको छ। हालैका वर्षहरूमा इरानले यही केन्द्रमार्फत ६० प्रतिशतसम्म समृद्ध यूरेनियम उत्पादन गर्दै आएको छ।

नतान्जमा रहेका करिब १५,०० सेंट्रिफ्यूजहरू नष्ट भएको बताइएको छ। शुक्रबारको हमलामा इरानका आणविक वैज्ञानिक नै मारिएका थिए।

इसराइलले शनिबार पनि नतान्जमै रहेको सबैभन्दा ठूलो तेलभण्डारमा आक्रमण गरेको थियो।

ल्अज
िल्अभिि
सोमबार इरानले पनि इसराइलको सबैभन्दा ठूलो तेल प्रशोधन क्षेत्रमा हमला गरेको थियो।

इरान(इसराइलबीचको तनाव पाँचौं दिनमा प्रवेश गरेको छ।

तनाव बढ्दै जाँदा दुवै देशले एक अर्कामाथि सशक्त प्रहार गरिरहेको बताइएको छ। पाँच दिनसम्म इरानमा कम्तिमा २२४ जनाको र इसराइलमा कम्तिमा २४ जनाको मृत्यु भएको बताइएको छ।

इरानमा एक हजार भन्दा बढी घाइते भएका छन्। इसराइलमा पनि इरानी आक्रमणबाट सयौं घाइते भएका छन्।

इसराइलले आफ्नो आकाशमा नियन्त्रण कायम गरेकाले अब आक्रमण तीव्र बनाउने बताएको छ।