दिनभरको लगातार आक्रमणले यी दुई व्यक्तिहरूलाई एकअर्काविरुद्ध आफ्नो शक्ति प्रयोग गर्ने धम्कीमा पु¥यायो

— यो ठीक त्यही कुरा थियो जसलाई राष्ट्रपति ट्रम्प र उनका सल्लाहकारहरूले टार्न खोजिरहेका थिए।

मात्र छ दिन अघि, ट्रम्पका वरिष्ठ सहयोगीहरूले इलन मस्कप्रति आफ्नो रिसलाई थाम्दै उनको लागि ओभल कार्यालयमा मैत्रीपूर्ण बिदाइको योजना बनाएका थिए। उनीहरूले राष्ट्रपतिलाई मस्कको लागू पदार्थ प्रयोगको आरोपहरूबारे जानकारी दिए, जसलेगर्दा बिदाइ समारोहमा पत्रकारहरूले यो विषय उठाएमा ट्रम्पले अर्बपतिको बचाउ गर्न सकून् ।
बुधबार साँझसम्म, ट्रम्पले रिपब्लिकन सिनेटरहरूसँगको बैठकमा मस्कसँगको सबै खाले द्वन्द्वलाई कम महत्व दिए, उनको भनाइसँग परिचित व्यक्तिहरूका अनुसार, यद्यपि पछिल्ला केही दिनदेखि मस्कले राष्ट्रपतिको विधायी एजेन्डाको आलोचना गरिरहेका थिए। सप्ताहान्तमा, ट्रम्पले मस्कका सहयोगीलाई नासाको प्रमुखबाट हटाएपछि, राष्ट्रपतिले आफ्ना निकट व्यक्तिहरूसँग स्पष्ट गरे कि राष्ट्रपतिसँग कुरा गरेको एक व्यक्तिका अनुसार। उनले आफ्ना पूर्व सल्लाहकारसँग उच्च–प्रोफाइल टकरावको योजना बनाएका थिएनन् ।
तर यो सद्भावना बिहीबारदेखि गायब भयो।
जर्मन चान्सलर फ्रेडरिक मर्जसँगको ओभल कार्यालयको बैठकको तेह्रौं मिनेटमा, ट्रम्पले मस्कप्रतिको आफ्नो असन्तुष्टि व्यक्त गरे, जसले विश्वका दुई शक्तिशाली व्यक्तिहरू मित्रबाट शत्रु बनेको एक आँधीमय दिनको सुरुवातलाई स्पष्ट ग¥यो।
बिहीबार रातीसम्म, ट्रम्पले सार्वजनिक रूपमा मस्कका कम्पनीहरूसँगको सरकारी सम्झौताहरू कटौती गर्ने कुरा उठाए, अर्बपति “पागल“ भएको र उनलाई “ट्रम्प डिरेन्जमेन्ट सिन्ड्रोम“ भएको आरोप लगाए ।
जवाफमा, विश्वका सबैभन्दा धनी व्यक्ति मस्कले नयाँ राजनीतिक दल बनाउनु पर्नेसम्मको कुरा उठाए, ट्रम्पलाई महाभियोग लगाउनुपर्ने तर्क गरे, ट्रम्पका भन्सार करहरूले मन्दी निम्त्याउने भन्दै सरकारले निर्भर गर्ने अन्तरिक्ष उपकरणको एक मूल्यवान टुक्रालाई निष्क्रिय गर्ने प्रतिबद्धता व्यक्त गरे। उनले ट्रम्पको नाम यौन तस्कर जेफ्री एप्स्टाइनको सङ्घीय अनुसन्धानबाट प्राप्त कागजातहरूमा देखिएको आरोप लगाए, ट्रम्पलाई उनको आपराधिक व्यवहारसँग कुनै न कुनै रूपमा जोडिएको सङ्केत गरे।
असाधारण झगडा
ट्रम्प र मस्क बीचको यो असाधारण झगडाले राष्ट्रपति ट्रम्पले बनाएको र मस्कले वित्त पोषण गरेको नयाँ मागा शासकीय गठबन्धनलाई खतरामा पारेको छ। यसले मस्कका छ वटा कम्पनीहरूलाई निशाना बनाउँछ, जसमध्ये धेरै सङ्घीय सरकारद्वारा कडाइका साथ नियमन गरिन्छन्। र यसले डेमोक्र्याटहरूलाई पार्टीको निम्न बिन्दुमा एक दुर्लभ राहतको क्षण प्रदान गर्छ। टेस्लाको सेयर १४% ले घट्यो, जुन २०२० पछिको सबैभन्दा खराब दिन थियो।
ट्रम्प–मस्कको यो विस्फोट लामो समयदेखि अनुमान गरिएको थियो। दुवै व्यक्तिहरूसँग नजिकका व्यक्तिहरूले पनि निजी रूपमा विश्वास गरेका थिए कि उनीहरूको सम्बन्ध टुट्ने निश्चित थियो। तर यो द्रुत गति, र्याट–अ–ट्याट को विस्फोट ह्वाइट हाउसका लागि, जुन अप्रत्याशित घटनाहरूमा अभ्यस्त भइसकेको छ, र एक राष्ट्रपतिका लागि, जसले प्रायः मस्कको बचाउ गर्थे जबकि उनका सहयोगीहरू निराश थिए, फेरि पनि झट्काको रूपमा आयो।
ह्वाइट हाउसका अधिकारीहरू र राष्ट्रपतिका अन्य सहयोगीहरूले दिनभर आफ्नो सामाजिक सञ्जाल फिडहरू रिफ्रेस गर्दै, स्थिति तीव्र हुँदै गएको हेर्दै र मस्कका पोष्टहरू एकअर्कालाई ती सन्देश पठाउँदै बिताए।
“यो सबै शुरू हुनु समयको कुरा थियो, किनभने दुई विशाल अहङ्कारहरू सँगसँगै रहन सक्दैन,“ पूर्व उपराष्ट्रपति माइक पेन्सका प्रमुख स्टाफ मार्क शर्टले भने । “यो यति द्रुत गतिमा ढल्नु कठिन छ, तर यो देखेर छक्क पर्न सकिँदैन।“

जब सहयोगीहरूले ह्वाइट हाउसमा मस्कको अन्तिम चरणमा उनका बारेमा अपमानजनक रूपमा कुरा गर्थे, ट्रम्प सामान्यतः उनको बारेमा सकारात्मक थिए, निजी रूपमा पनि, उनीसँग कुरा गरेको एक व्यक्तिका अनुसार । उनीहरू कर्मचारी र भन्सार करमा टक्कराउन पुगे । ट्रम्पले मन्त्रीहरूबाट मस्कको बारेमा गुनासोहरू सुने र कहिलेकाहीँ उनप्रति रिस देखाए, तर पर्दा पछाडि उनले सामान्यतः मस्कप्रति दयालु व्यवहार गरेको सहयोगीहरूले बताएका छन् । यद्यपि मस्कले ट्रम्पका शीर्ष सहयोगीहरूसँग झगडा गरिरहे, उनले ह्वाइट हाउस छोड्दासम्म तनावलाई धेरै हदसम्म समाधान गरेका थिए।

ट्रम्पको बिदाइ र तनाव
“यो इलनबाट एक दुर्भाग्यपूर्ण घटना हो, जो ’एउटा ठूलो, सुन्दर विधेयक’ सँग असन्तुष्ट छन् किनभने यसमा उनले चाहेका नीतिहरू समावेश छैनन्,“ ह्वाइट हाउस प्रेस सचिव क्यारोलिन लेभिटले भनिन्। “राष्ट्रपति यो ऐतिहासिक विधेयक पारित गर्न र हाम्रो देशलाई फेरि महान बनाउन केन्द्रित छन्।“

तर मस्कको असन्तुष्टि विधेयकभन्दा धेरै कुरासँग सम्बन्धित छ। उनले सहयोगीहरूलाई भने अनुसार उनी ट्रम्पको निर्णयप्रति रिसाएका छन्, विशेषत मस्कका सहयोगी ज्यारेड इसाकम्यानको नासा सञ्चालनको मनोनयन फिर्ता लिएपछि ।
मस्कको बिदाइ अघि शुक्रबार ओभल कार्यालयको भोजन कक्षमा भएको बैठकमा, ट्रम्पका सहयोगी सर्जियो गोरले राष्ट्रपतिलाई इसाकम्यानको डेमोक्र्याटहरूलाई दिएको चन्दाको बारेमा अनुरोध गरेको फाइल दिए। मस्कले इसाकम्यानको बचाउ गरे र चन्दाको महत्वलाई कम गर्न खोजे। तर घटनासँग परिचित व्यक्तिहरूका अनुसार ट्रम्पले मनोनयन फिर्ता लिन चाहेको बताए । त्यसपछि दुवैजना टेलिभिजन क्यामेराहरूको अगाडि सँगै देखा परे, जहाँ ट्रम्पले मस्कलाई मित्र भने र उनले ह्वाइट हाउस छोडेपछि पनि सल्लाह दिने बताए।

यो फाटोले ह्वाइट हाउसभित्र गहिरो प्रभाव पारेको छ। मस्कका शीर्ष सहयोगी, ट्रम्पका लामो समयदेखिका सल्लाहकार क्याटी मिलरले पनि गत हप्ता मस्कसँगै ह्वाइट हाउस छोडिन्, घटनासँग परिचित व्यक्तिहरूका अनुसार, र अब उनले मस्कसँग काम गर्छिन्। मिलर, जसले “विशेष सरकारी कर्मचारी“ को पदवी राख्थिन्, ह्वाइट हाउसमा मस्कसँग लगभग हर समय थिइन्।
उनका पति, स्टिफन मिलर, ट्रम्पका सबैभन्दा वफादार र सबैभन्दा देखिने सहयोगी मध्ये एक हुन्। उनले हालैका दिनहरूमा मस्कको आलोचनाबाट ट्रम्पको विधायी एजेन्डाको बचाउ गरेका छन् र मस्कले उनलाई यो हप्ता एक्समा अनफलो गरे । मिलरहरूले मस्कसँग ह्वाइट हाउस बाहिर पनि धेरै समय बिताएका थिए।
ट्रम्प र मस्क बीचको सार्वजनिक टकरावले मस्कको ट्रेडमार्क लागत–कटौती प्रयास, सरकारी दक्षता विभाग (डोज ) लाई पनि कमजोर बनाउँछ। डोजसम्बद्ध कर्मचारीहरू, जसमध्ये केहीले हजारौं सङ्घीय कर्मचारीहरूलाई बर्खास्त गर्नमा जिम्मेवार थिए, बिहीबार एकअर्कालाई ट्विट सन्देश पठाउँदै थिए कि उनीहरू अर्को बर्खास्त हुनेमा पर्ने हुन् कि भनेर ।

सामाजिक सञ्जाल युद्ध
बिहीबारको विस्फोटले ह्वाइट हाउसका शीर्ष सहयोगीहरूलाई अप्रत्याशित रूपमा समात्यो।
मध्याह्न भन्दा केही अघि, ट्रम्प मर्जसँग ओभल कार्यालयमा व्यापार, नाटो गठबन्धन र युक्रेन युद्ध जस्ता पूर्वानुमानित विषयहरूमा कुराकानी गर्न बसे। यो लगभग १३ मिनेटसम्म चलेपछि राष्ट्रपतिले आफ्ना अर्बपति दाताप्रति आफ्नो आक्रोश व्यक्त गरे, मस्कले उनको विधायी एजेन्डालाई धेरै खर्चिलो भनेर आलोचना गरेकोमा चिन्ता व्यक्त गरे।
यो झगडा सुरुमा नरम थियो। “मलाई सधैं इलन मन पथ्र्यो,“ ट्रम्पले मस्कको उनको “ठूलो, सुन्दर विधेयक“ को आलोचनाबारेको जबाफामा भने। “मलाई यो विधेयकको भन्दा इलनले मलाई आलोचना गर्नु राम्रो लाग्छ।“
तर चाँडै नै, ट्रम्पले आफ्नो बयानबाजीलाई तीव्र बनाए। “इलन र मेरो सम्बन्ध धेरै राम्रो थियो। मलाई थाहा छैन अब यो रहन्छ कि रहँदैन,“ ट्रम्पले टिप्पणी गरे ।
राष्ट्रपतिले मस्कको चुनावी अभियानमा गरेको सहयोगले चुनावको परिणाममा खासै फरक नपारेको पनि सुझाव दिए। “मलाई लाग्छ म पेन्सिल्भेनियामा जे भए पनि जित्थें,“ उनले भने।
ट्रम्पले स्विङ स्टेटको बारेमा बोल्दा, ह्वाइट हाउस प्रमुख कर्मचारी सुसी वाइल्सले जोडले टाउको हल्लाइन्। यो एक दृश्य सम्झनालायक थियो कि मस्कले वेस्ट विङ कर्मचारीहरू धेरैलाई गहिरोगरी रिस उठाएका थिए, ट्रम्प उनको मुख्य रक्षकको रूपमा बाँकी थिए ।
यो लडाइँ ओभल कार्यालयको कार्यक्रम समाप्त हुनु अघि नै सामाजिक सञ्जालमा संक्रामक भइसकेको थियो। “म बिना, ट्रम्पले चुनाव हार्थे, डेम्सले हाउस नियन्त्रण गर्थे र रिपब्लिकनहरू सिनेटमा ५१–४९ मा हुन्थे,“ मस्कले थप लेखे, थप्दै, “यस्तो कृतघ्नता ।“
दिउँसो २ बजे भन्दा केही अघि, मस्कले एक्समा आफ्ना २०० मिलियन भन्दा बढी फलोअरहरूलाई देशको अधिकांशको राम्रो प्रतिनिधित्व गर्ने नयाँ राजनीतिक दल बनाउने समय आएको छ कि भनेर सोध्ने पोल पोष्ट गरे।
केही मिनेटभित्र, अर्बपति व्यापारी मार्क क्युबन, जसले राष्ट्रपतिका लागि उम्मेदवारीको कुरा गरेका छन्, मस्कको तेस्रो दल शुरू गर्ने सुझावको छेउमा सामाजिक सञ्जालमा तीनवटा चेक मार्क पोष्ट गरे।
ट्रम्प समर्थक स्टिभ ब्यानन, जो राष्ट्रपतिको आधारमा प्रभावशाली छन्, उनले आफ्नो पोडकास्टमा मस्कको आप्रवास स्थिति जाँच गर्नुपर्ने सुझाव दिए। मस्क दक्षिण अफ्रिकामा जन्मिएका र अमेरिकी नागरिक बनेका छन्।
“केही टेक केटाहरू र क्रिप्टो समूह इलनसँग अडिनेछन् किनभने तपाईंसँग इलनको पंथ छ। तर मागाले १००% ट्रम्पलाई समर्थन गर्नेछ। तपाईंले मागामा कोही पनि टेस्ला किन्ने व्यक्ति पाउनुहुन्न,“ ब्याननले भने।
मस्कको एक बच्चाकी आमाले पनि टिप्पणी गरिन्। दिउँसो २ः२० बजे, एश्ले सेन्ट क्लेयर, जसले मस्कसँग पितृत्वको विषयमा झगडा गरेकी छिन्, एक्समा राष्ट्रपतिलाई सोधिन् कि उनलाई सम्बन्ध अन्त्य गर्न सहयोग चाहिएको छ कि भनेर, ट्रम्पलाई ट्याग गर्दै लेखिन् “यदि तपाईंलाई कुनै ब्रेकअप सल्लाह चाहिएमा मलाई भन्नुहोस्।“
र दिउँसो २ः३७ बजे, ट्रम्पले दाउ बढाए । उनले सामाजिक सञ्जालमा पोष्ट गरे कि सङ्घीय बजेटमा पैसा बचाउने सबैभन्दा सजिलो तरिका मस्कका कम्पनीहरूलाई जाने सरकारी सम्झौताहरूलाई “समाप्त“ गर्नु हो। “मलाई सधैं आश्चर्य लाग्थ्यो कि बाइडेनले यो गरेनन्,“ ट्रम्पले लेखेका छन् ।
उनले छुट्टै पोष्टमा थपे मस्क “पातलो हुँदै गइरहेको“ छ र अर्बपति “पागल“ भएको छ जब ट्रम्पले आफ्नो मेगाबिलमा विद्युतीय सवारी साधनका लागि सहुलियतहरु कटौती गर्ने निर्णय गरे ।
मस्कले त्यसको जवाफमा स्पेसएक्स क्राफ्ट, जुन अमेरिकी अन्तरिक्ष यात्रीहरूलाई अन्तरिक्ष स्टेशनमा लैजान र फिर्ता ल्याउन प्रयोग गरिन्छ, निष्क्रिय गराउने बताए। मस्कले बिहीबार राति एक्स प्रयोगकर्तालाई जवाफ दिँदा ड्र्यागन अन्तरिक्ष यान निष्क्रिय गर्ने धम्कीबाट पछि हटेको देखियो।
दिउँसो ३ बजे, मस्क आक्रमणमा उत्रे। “अब वास्तवमै ठूल बम फ्याँक्ने समयः @RealDonaldTrump एप्स्टीन फाइलहरूमा छन्। यो वास्तविक कारण हो कि तिनीहरू सार्वजनिक गरिएका छैनन्,“ मस्कले दिउँसो ३ः१० मा लेखे, थप्दै, “रमाइलो दिन, DJT!“
मस्कले एप्स्टीन, अपमानित वित्तीय व्यक्तित्व, द्वारा कथित यौन तस्करी र दुरुपयोगको सङ्घीय अनुसन्धानबाट आएका फाइलहरूको कुरा गरिरहेका थिए। एप्स्टीन, जसले २०१९ मा आत्महत्या गरे, न्यूयोर्क सोसाइटीका धेरै अभिजात वर्गसँग, ट्रम्पसहित, राम्रोसँग परिचित सम्बन्धहरू थिए।

एफबीआई र न्याय विभागले टिप्पणीका लागि तुरुन्त जवाफ दिएनन्। ट्रम्पसँग एप्स्टीनको सम्बन्धको जानकारी राख्ने एक व्यक्तिका अनुसार, प्रशासनले ट्रम्प समावेश भएको एप्स्टीन फाइलहरू पहिल्यै जारी गरिसकेको छ।
दिउँसो ४ बजेपछि, मस्कले ट्रम्पलाई महाभियोग र उपराष्ट्रपति जेडी डाउनलाई राष्ट्रपति बनाउन आह्वान गर्ने पोष्टलाई रिट्वीट गरे, थप रुपमा “गर्नैपर्छ“ भने ।
मस्कको बढ्दो आक्रमणबाट ट्रम्प स्तब्ध भए, उनका सल्लाहकारहरूका अनुसार। ट्रम्पले सल्लाहकारहरूलाई भने अनुसार उनले ओभल कार्यालयमा मस्कप्रति कठोर बोलेकोमा विश्वास गरेनन् र मस्क कति आक्रामक बने भनेर आश्चर्यचकित भए।
ट्रम्पका सहयोगीहरूले बिहीबार केही समय मस्कको लक्ष्य के हो भनेर बुझ्ने प्रयासमा बिताए। राष्ट्रपतले सल्लाहकारहरूलाई मस्क केवल बच्चा भएको बताए, एक ह्वाइट हाउस सहयोगीका अनुसार।
लगभग त्यही समयमा, ट्रम्प फ्र्याटरनल अर्डर अफ पुलिससँग ह्वाइट हाउस बैठकमा गए र टिप्पणी गरे। उनले पत्रकारहरूका प्रश्नहरूलाई बेवास्ता गरे र मस्कको उल्लेख गरेनन्। ह्वाइट हाउस कर्मचारीहरूले बेलुका ट्रम्पसँग छलफल गरे।
बिहीबार रातसम्म, ट्रम्पले मस्कसँग हाई–प्रोफाइल फोटो अपमा खरिद गरेको चम्किलो रातो टेस्ला अझै ओभल कार्यालयबाट केही गज टाढा पार्किङमा थियो। ह्वाइट हाउस सहयोगीहरूले बिहीबार साँझ मजाक गर्दै भने कि उनीहरूले गाडी के गर्ने भनेर निर्णय लिएका छैनन्।
रिपव्लिकन निकट पत्रिका द वाल स्ट्रिट जर्नलबाट