बुटवल, ११ चैत्र ।
७ वर्ष पहिले एक दम्पत्तीको हत्यामा मुख्य योजनाकार भनिएका अर्जुन गौतमलाई प्रहरीले पक्राउ गरेको छ । प्रहरीले फरार अभियुक्तकारुपमा खोजि गरिरहेका गौतमलाई गयराती भारतबाट नेपाल आउने क्रममा रुपन्देहीको बेलहिया नाकाबाट पक्राउ गरेको हो ।
६७ सालमा बुटवल स्थित जेसिज चौकमा बिष्णु भण्डारी स्टोर्समा डकैती गरि पसल संचालक दम्पत्ती रमेश भण्डारी र आशा भण्डारीको हत्या गरि फरार रहेका भनिएका अर्जुनलाई प्रहरीले आज पत्रकार सम्मेलन गर्दै सार्वजानीक गरेको छ । प्रहरीका अनुसार ६७ साल असार ९ गते दिनदहाडै पसलमा प्रवेश गरि गौतम र कृष्ण गौतमले ५ लाख १८ हजार दकैती गर्दै भण्डारी दम्पत्तीमाथी गोलि प्रहार गरेका थिए । गोलि प्रहारबाट श्रीमती आशा घटना स्थलमै र रमेश अस्पतालमा उपचारका क्रममा मृत्यु भएको थियो ।
भण्डारी दम्पत्तीको हत्यामा संलग्न अन्य भोलेबाबा भन्ने शम्भु गौतम, निम प्रसाद थापा, श्याम प्रसाद बिक, पुरन श्रीस, राजु गलामी लगायतलाई पक्राउ गरिसकेको छ । पक्राउ परेकाहरु मध्य पुरन श्रीस र राजु गलामी रिहा भएको र अन्य पुरपक्षकालागि कारगारमा रहेको प्रहरीले जनाएको छ ।
पत्रकार सम्मेलनमा बोल्दै नेपालमा अपराध गरेर भारतमा बच्न सकिन्छ की भन्ने भ्रम चिर्न प्रहरी सफल भएको रुपन्देहीका प्रहरी प्रमुख प्रहरी उपरिक्षक श्यामप्रसाद ज्ञवालीले बताउनुभयो ।
गौतमसंगै प्रहरीले पेस्तोल १ थान, कटुवा पेस्तोल १ थान, गोली २ राउण्ड बरामद गरेको छ ।