काठमाडौ ७ जेठ । प्रतिनिधसभाअन्तर्गतको महिला तथा सामाजिक मामिला समितिको बैठकमा विवाद भएको छ। समिति सभापति किरणकुमार साह र माओवादी सांसद कल्पना मियाँ कुसारीबीच विवाद भएको हो।

समितिको बैठक बुधबार बिहान साढे ७ बजे नै बोलाइएको थियो । दुई वटा उपसमितिहरूले तयार पारेका प्रतिवेदनहरू समिति समक्ष पेश गर्ने कार्यसूची तय गरिएको थियो । सोही विषयमा विवाद भएको सांसदहरूले बताएका छन् ।

समिति सभापति साहले आफ्ना कमजोरी ढाकछोप गर्नका लागि बोल्न नदिएको सांसद मियाँले बताइन् । उनले सभामुख देवराज घिमिरेसँग समितिमा भएको विवादबारे जानकारी गराउन लागेको बताएकी छन् ।

समिति सभापति साहले समय नमागिकन सांसद मियाँ बोल्न खोजेपछि विवाद भएको बताए । ुमाइक नमागीकन बोल्नुभयो । समय पाउनुभएको छैन नबोल्नुस् भनेको हो,ु उनले भने, ुमनगढन्ते र कपोलकल्पित कुरा गरेर हुन्न । उहाँ समितिको बैठकमा ढिलो आउनुभयो । समयमा नआइकन विषयवस्तुभन्दा बाहिरको कुरा राखेपछि हल्का विवाद भयो ।ु

सभापति साह एमालेका सांसद हुन् भने मियाँ माओवादीकी सांसद हुन् । शोभा ज्ञवाली र सुशीला सिर्पाली संयोजक रहेका दुईवटा उपसमितिका प्रतिवेदन समितिलाई बुझाउनका लागि बैठक बोलाइएको थियो ।