काठमाडौ २ जेठ । नेकपा माओवादी केन्द्रका अध्यक्ष पुष्पकमल दाहाल प्रचण्डले सरकार भ्रष्टाचारीलाई संरक्षण र राम्रा मान्छेलाई दण्डित गर्ने काममा लागेको आरोप लगाएका छन्। उनले आफू नेतृत्वको सरकारले जनतामा आशा पलाउने काम गरेको तर जनताको आशाका विरुद्ध षड्यन्त्रका रुपमा अहिले गठबन्धन सरकार बनेको बताए।

गठबन्धन सरकारले भ्रष्टाचार संरक्षण गर्ने थुप्रै कामहरु गरिरहेका आरोप लगाए।

‘राष्ट्र बैंकको गभर्नर तुरुन्तै नियुक्ति हुने पद हो। तर अहिलेसम्म सरकारले गभर्नर नियुक्ति गर्न सकेको छैन। त्यसमा अनेक खालमा चलखेल र प्रपञ्च भइरहेका छन्,’ बैतडीको पाटनमा मध्यपहाडी लोकमार्ग केन्द्रित पार्टीको जागरण अभियानलाई उद्घाटन गर्दै उनले भने, ‘त्यसकारण सरकार गलत दिशातिर गएको छ। राष्ट्र र जनताको हितविपरीत गएको छ।’

अभियानमार्फत सरकारलाई चुनौती दिँदै खबरदारी गरिरहेको दाहालको भनाइ छ। सरकारले जनताको मतलाई वेवास्ता गरेर भ्रष्टाचारलाई प्रसय दिने काम गरे माओवादी शक्तिशाली आन्दोलनमा आउले उल्लेख गरे।