काठमाडौं २ फागुन । दक्षिण कोरियाको बन्दरगाह शहर बुसानमा निर्माणाधीन एक होटलमा आगलागी भएको छ । आगलागीमा परी छ जनाको ज्यान गएको छ । सात जना घाइते भएका छन् । ‘बनयान ट्रि होटल’ मा बिहान आगलागी भएको हो । आगो झन्डै साढे दुई घण्टामा नियन्त्रणमा आएको थियो ।
आगलागी हुँदा झन्डै एक सय जना कामदार होटेलमा रहेका अन्तराष्ट्रिय सञ्चारमाध्यमले जनाएका छन् । इन्सुलेसन सामग्री भण्डारण गरेको निर्माण स्थलको पहिलो तल्लाबाट आगलागी शुरु भएको हुन सक्ने कामदारले बताएका अग्नि नियन्त्रण विभागले जनाएको छ ।
दक्षिण कोरियाका कार्यवाहक राष्ट्रपति चोइ साङ–मोकले खोजी र उद्धार कार्य तथा थप क्षति हुन नदिन सुरक्षाको हरसम्भव प्रयास गर्न निर्देशन दिनुभएको छ । घाइतेहरुको नजिकैको अस्पतालमा उपचार भइरहेको छ ।
प्रतिक्रिया दिनुहोस्