धनकुटा ४ चैत । साथी बचत तथा ऋण सहकारी संस्था धनकुटाको नवौ बार्षिक साधारणसभा आज सम्पन्न भएको छ । आर्थिक विकासका लागि सहकारी अभियान मार्फत व्यक्ति व्यक्ति समक्ष सहकारी शिक्षा पु¥याउने र शेयर पुँजीलाई बृद्धि गर्ने निर्णय गर्दै साधारणसभा सम्पन्न भएको हो ।

जिल्ला सहकारी संघ धनकुटाका अध्यक्ष सुन्दरबाबु श्रेष्ठले साधारण सभाको एक विशेष समारोह बीच उद्घाटन गर्दै सहकारी अभियानबाट मात्र समाजमा दिगो रुपमा आर्थिक परिवर्तन गर्न सकिने बताउनुभयो । कावेली विकास बैक धनकुटाका प्रवन्धक शैलेन्द्रबादे श्रेष्ठले वितिय संस्थाहरुले मुलुकको आर्थिक तथा समाजिक विकासमा महत्वपूर्ण भूमिका खैल्दै आएको बताउनुभयो ।

साथी बचत तथा ऋण सहकारी संस्था लिमिटेड धनकुटाका अध्यक्ष शैलेसमान श्रेष्ठको अध्यक्षतामा सम्पन्न भएको साधारण सभामा सचिव विजय सन्तोषी राईले प्रगती प्रतिवदेन,कोषाध्यक्ष रोशेष श्रेष्ठले १ करोड २५ लाख ३४ हजार ४२३ रुपैया बरावरको संस्थाको आर्थिक प्रतिवेदन र लेखा समितिका संयोजक दिनेश राईले लेखा प्रतिवेदन प्रस्तुत गर्नु भएको थियो भने स्वागत मन्तव्य कार्यकारी सदस्य सावित्रि श्रेष्ठ र कार्यक्रमको संचालन उपाध्यक्ष जयन्द्र प्रधानले गर्नु भएको थियो ।

साधारण सभाले आर्थिक विकासका लागी सहकारी अभियान अव सवै व्यक्ति व्यक्ति समक्ष पु¥याउनका लागी सहकारी शिक्षालाई व्यपाकता दिने,बचत संकलन गर्न क्षेत्र विस्तार तथा घर दैलो कार्यक्रम संचालन गर्ने र सवै शेरधनी सदस्यहरुलाई उद्यमी बन्न तथा व्यापार व्यावसाय गर्न उत्प्रेरणा जगाई आर्य आर्जन बृद्धी गर्नका लागी लगानी गर्दै धनकुटाको आर्थिक विकासमा महत्पूर्ण सहयोग गर्ने,समाजिक तथा आर्थिक विकासमा योगदान गर्ने निर्णय गरेको सचिव विजय सन्तोषी राईले वताउनु भयो ।