काठमाडौं २९ माघ । बाबुराम भट्टराई नेतृत्वको नेसपा नयाँ शक्ति०को महाधिवेशन अन्तर्गत आजबाट नेतृत्व चयन प्रकिया सुरु भएको छ। नेसपा ९नयाँ शक्ति०को महाधिवेशन विगत तीन दिनदेखि काठमाडौँमा जारी छ।
निर्वाचन आयोगका प्रमुख रामकुमार पुरीका अनुसार अहिले उम्मेदवारको प्रारम्भिक नामावली सार्वजनिक गरिएको छ। ९९ सदस्यीय केन्द्रीय कमिटी चयनका लागि साढे ३ सय भन्दा धेरैको उम्मेदवारी परेको छ।

पार्टी अध्यक्षका लागि डा।बाबुराम भट्टराई र नेत्रप्रसाद चापागाईंको उम्मेदवारी दर्ता भएको छ। चापागाईं नेपाल समाजवादी विद्यार्थी युनियनमा अध्यक्षसमेत भइसकेका नेता हुन्। उम्मेदवारको दाबी विरोधका लागि मंगलबार बिहान साढे ९ बजेसम्मको समय निर्धारण गरिएको छ।

आजै ११ बजे उम्मेदवारको अन्तिम नामावली सार्वजनिक गर्ने तयारी छ। बाँकी प्रक्रिया पूरा गरेपछि आजै दिउँसो ३ बजेबाट नयाँ नेतृत्व चयनको लागि मतदान गराउने तयारी निर्वाचन आयोगले गरेको छ।

पार्टीको दलित उपाध्यक्षमा दूर्गा सोब र महिला उपाध्यक्षमा मानुषी यमी भट्टराइको एकल उम्मेदवारी परेको छ। केन्द्रीय समितिमा ९० जना प्रत्यक्ष निर्वाचन प्रणालीमार्फत् चुनिने छन्। ९ जना भने मनोनीत हुने व्यववस्था नेसपा नयाँशक्तिको छ।

आदिवासी जनजाती उपाध्यक्षमा चार जनाको उम्मेदवारी परेको छ। जसमा रामबहादुर घले, टेकबहादुर बाठामगर, अनुपसिंह सुवाल र दलबहादुर लिम्बु छन् ।

मधेशी उपाध्यक्षमा उमेश साह र चिनक कुर्मीको उम्मेदवारी परेको छ। महासचिवमा घमानसिंह गुरुङ, सोनाम सिंह स्याङ्तान र राजु नेपालको उम्मेदवारी परेको छ।

खुला सचिवमा भरतराज दाहाल, दानबहादुर सहकारी, लक्ष्मण कार्की र छन्दबहादुर पन्थीको उम्मेदवारी परेको छ। त्यसैगरी महिला सचिवमा श्रीजना सुवेदी, आशाकुमारी तामाङ र सृजना रिजालले उम्मेदवारी दर्ता गरेका छन्।

त्यसैगरि कोषाध्यक्षमा हरिप्रसाद रिजाल र गोकर्णप्रसाद अधिकारीले उम्मेदवारी दिएका छन्।

नेसपा नयाँ शक्तिले समावेशी समानुपातिक आधारमा दलित, आदिवासी जनजाति, खसरआर्य, मधेशी, थारु, मुस्लिम र धार्मिक, यौनिक तथा जातीय भाषिक अल्पसंख्यक समुदायको प्रतिनिधित्व हुने गरी केन्द्रीय समिति छनोटको आधार तय गरिएको जनाएको छ।