काठमाडौं । वरिष्ठ अधिवक्ता दिनेशकुमार त्रिपाठीलाई कुटपिट गरेको अभियोगम थप एकजनालाई प्रहरीले पक्राउ गरेको छ ।
हुम्ला अदानचुली घर भई काठमाडौं बस्ने महानन्द जैसी भन्ने महेन्द्र पाण्डेलाई काठमाडौबाट पक्राउ गरिएको हो ।
महानगरीय प्रहरी परिसरका अनुसार, अधिवक्ता त्रिपाठीलाई कुटपिट गर्नेहरुको खोजी गर्ने क्रममा उनलाई पक्राउ गरिएको हो । उनीमाथि थप अनुसन्धान भइरहेको छ ।
सहकारी पीडितको तर्फबाट बहस गरेर बाहिर निस्कँदै गर्दा तीन दिनअघि त्रिपाठीलाई काठमाडौ अदालत परिसरमा कुटपिट भएको थियो ।
प्रतिक्रिया दिनुहोस्