काठमाडौं २५ पुस । इन्डो–नेपाल रनिङ शिल्ड भलिबल च्याम्पियनशिपको उपाधीका लागि आज दुई विभागीय टोली त्रिभुवन आर्मी र नेपाल पुलिस क्लब खेल्दैछन् । हिजो मणिमुकुन्द भलिबल क्लबलाई हराउँदै आर्मी फाइनलमा पुगेको हो ।
पुलिस क्लबले सेमिफाइनलमा भारतको गुजरात स्टेट भलिबल एसोसिएनलाई हराउँदै अस्ति मङ्गलवार नै फाइनलमा स्थान बनाइसकेको थियो । दोस्रो सेमिफाइनलमा आर्मी र मणीमुकुन्द क्लब खेल्दा चिसोका कारण खेल स्थगित भएको थियो ।
यो खेल हिजो भएपछि हिजैका लागि तय भएको फाइनल खेल आजलाई सरेको हो । तेस्रो स्थानका लागि पनि आजै खेल हुनेछ ।
इन्डो–नेपाल भलिबलको विजेताले सात लाख, उपविजेताले तीन लाख ५० हजार, तेस्रो हुनेले एक लाख ७५ हजार र चौथो हुने टोलीले एक लाख रुपैयाँ पुरस्कार पाउनेछन् ।
प्रतिक्रिया दिनुहोस्